आईपिएल ईतिहासकै सबैभन्दा पनौती कप्तान बने किङ कोहली, बनाए निकै शर्मनाक किर्तिमान


क्रिकेट

काठमाडौँ । आइपिएल टिम रोयल च्यालेन्जर्स बैंगलोरको कप्तानको रुपमा विराट कोहलीले अन्तिम खेल खेलेका छन् । सोमबार राति भएको इलिमिनेटरको खेलमा कोलकोता नाइट राइडर्ससँग ४ विकेटले पराजित भएपछि कप्तानको रुपमा विराट कोहलीको आइपिएल यात्रा सकिएको छ ।


उनले अब बैंगलोर टिमको कप्तानी नगर्ने यस अघि नै घोषणा गरिसकेका छन् । अर्को बर्ष हुने मेघा अक्सनमा बैंगलोरलाई नयाँ कप्तान छनौट गर्ने अवसर दिन विराटले त्यस अघि नै आफ्नो अवस्था स्पष्ट गरेका हुन् । विराटले खेलाडीको रुपमा भने आफु बैंगलोरबाटै खेल्न प्रतिबद्ध रहेको बताएका छन् ।

यसैबीच कप्तानको रुपमा आइपिएलमा विराटक केहि अनौठा संयोग देखिएको छ । २००८ बाट आइपिएल खेलिरहेका विराट २०११ मा बैंगलोरको कप्तान बनेका थिए । उनले कप्तानको रुपमा खेलको पहिलो खेलमा राजस्थान रोयल्सविरुद्ध ३९ रन नै बनाएका थिए भने कप्तानको रुपमा खेलेको अन्तिम खेलमा पनि ३९ रन बनाएर अनौठो संयोग बनाएका छन् ।

त्यस्तै विराट कप्तानको रुपमा खेलेको कोलकोताविरुद्ध पहिलो र अन्तिम दुवै खेलमा बैंगलोरले ४ विकेटको हार बेहोरेको अर्को संयोग पनि बनेको छ । करिब १० बर्ष कप्तानी गरेका विराटले बैंगलोरलाई आइपिएलको उपाधि भने जिताउन सकेनन् । अहिलेसम्म आइपिएलको उपाधि नजित्ने टिममा बैंगलोरसहित दिल्ली क्यापिटल्स र पञ्जाब किंग्स रहेका छन् ।