पारस खड्काले खोले नयाँ क्रिकेट एकेडेमी, अब देशभरबाट नयाँ नयाँ पारस उत्पादन गर्ने


क्रिकेट

काठमाडौं । नेपाली राष्ट्रिय क्रिकेट टोलीका पूर्वकप्तान पारस खड्काले क्रिकेट एकेडेमी खोल्ने भएका छन् । मंगलबार उनले सामाजिक सञ्जालमार्फत् छिट्टै क्रिकेट एकेडेमीको सुरूआत गर्ने जानकारी दिएका हुन्। सो एकेडेमीको नाम ‘क्रिकेट एक्सिलेन्स सेन्टर’ राखिएको छ।

’सपनालाई विपनामा परिणत गर्दै,’ भन्दै उनले सामाजिक सञ्जालमा लोगो समेत हालेका छन् । उनले अहिलेका कप्तान ज्ञानेन्द्र मल्लसँग मिलेर एकेडेमी खोल्न लागेका हुन्। हालै खड्काले अन्तर्राष्ट्रिय क्रिकेटबाट संन्यास लिएका थिए।

खड्काले हालै अन्तर्राष्ट्रिय क्रिकेटबाट संन्यास लिएका थिए । गत साउनमा संन्यास लिएपछि पत्रकार सम्मेलनमा उनले आफ्नो पहिलो प्राथमिकता क्रिकेट संघमा जाने रहेको बताएका थिए । त्यस्तै, उनले एकेडेमी खोलेर देशभर पु¥याउने समेत बताएका थिए ।

जर्मनी बन्यो अर्को वर्ष हुने विश्वकपमा छनौट हुने पहिलो टोली

युरोपेली मुलुक जर्मनी अर्को वर्ष कतारमा हुने फिफा विश्वकप फुटबलमा छनौट हुने पहिलो टोली बनेको छ । गएराति भएको खेलमा उत्तरी मेसेडोनियालाई ४–० ले हराउँदै जर्मनीले कतार विश्वकपको टिकट काटेको हो ।

विश्वकप छनौटको युरोपेली समूह जे मा रहेको जर्मनीले ८ खेलबाट २१ अंक जोडेको छ । दुई खेल खेल्न बाँकी छँदा दोस्रो स्थानको रोमानियाको १३ अंक छ । गएराति भएका अन्य खेलहरुमा नेदरल्याण्ड्सले जिब्रल्टारलाई ६–० ले हराउँदा वेल्सले इस्टोनियामाथि १–० को जित निकाल्यो ।

यसैगरी चेक गणतन्त्रले बेलारुसलाई २–० ले पराजित गर्दा टर्कीले लात्भियामाथि २–१ को तथा नर्वेले मोन्टेनेग्रोमाथि २–० को जित निकाल्यो । क्रोएसिया र स्लोभाकियाले भने २–२ गोलको बराबरीमा चित्त बुझाए ।