बंगलादेशबिरुद्ध दोस्रो हाफमा नेपालले पेलेको पेलै, दुई गोल गर्ने संम्भावना ( हेर्नुस लाईभ भिडियो )


खेलकुद

काठमाडौं ।साफ च्याम्पियनसिप फुटबलअन्तर्गत बंगलादेशविरुद्धको खेलमा १-० ले पछाडि परेको नेपालले दोस्रो हाफमा शानदार सुरुवात गरिरहेको छ । यसअघि माल्दिभ्समा जारी खेलमा बंगलादेशले नवौं मिनेटमा सुमोन रेजाको गोलमार्फत् अग्रता लिएको थियो ।

प्रतियोगिताको शीर्ष दुई टोलीले फाइनलमा स्थान बनाउने छन् । नेपाल ३ खेलमा ६ अंक जोडेर शीर्ष स्थानमा रहेको छ । अब नेपाललाई फाइनल पुग्न मात्र एक अंकको आवश्यकता रहेको छ । बंगलादेश ३ खेलमा ४ अंक जोडेर चौंथो स्थानमा रहेको छ । माल्दिभ्स ३ खेलमा ६ अंक जोडेर दोस्रो स्थानमा छ । नेपालसँग पराजित माल्दिभ्स हेड टु हेडमा पछि रहेको हो । भारत ३ खेलमा ५ अंक जोडेर तेस्रो स्थानमा रहेको छ । ४ खेलमा १ अंक जोडेको श्रीलंका भने प्रतियोगिताबाट बाहिरिसकेको छ ।

नेपालले सुरुआती दुई खेलमा लगातार जित निकालेको थियो । माल्दिभ्सलाई १-० ले हराएको नेपालले श्रीलंकालाई ३-२ ले हराएको थियो । तर, नेपाल आइतबार भारतसँग १-० ले पराजित भएको थियो । बुधबार अर्को खेलमा भारतले माल्दिभ्सविरुद्ध प्रतिस्पर्धा गर्नेछ । दुबै टिम जित निकाल्दै फाइनल पुग्न चाहन्छन् । फाइनलका लागि माल्दिभ्सलाई बराबरी काफी छ भने भारतलाई जितको विकल्प छैन ।