बधाई ! नेपालले बनायो इतिहास, पहिलो पटक साफ च्याम्पियनसिपको फाईनलमा


खेलकुद

२७ असोज, काठमाडौं । नेपाल माल्दिभ्समा जारी साफ च्याम्पियनसिप फुटबलको फाइनलमा प्रवेश गरेको छ। आज भएको खेलमा बंगलादेशलाई १-१ को बराबरीमा रोक्दै नेपालले फाइनलमा स्थान बनाएको हो। बंगलादेशले नवौं मिनेटमा सुमोन रेजाको गोलमार्फत् अग्रता लिएको थियो। ८६औं मिनेटमा नेपालले बराबरी गोल फर्काएको हो। नेपाल पहिलोपटक साफ च्याम्पियनसिपको फाइनलमा पुगेको हो।

बुधबार माल्दिभ्सको राजधानी मालेस्थित राष्ट्रिय रंगशालामा भएको खेलमा बंगलादेशलाई बराबरीमा रोक्दै नेपाल पहिलोपटक फाइनलमा पुगेको हो। नेपालले बंगलादेशविरूद्ध दोस्रो हाफमा गोल गरेको थियो। नेपालका लागि अन्जन विष्टले ८८ औं मिनेटमा पेनाल्टीमार्फत् गोल गरेका हुन्।

बंगलादेशका सुमन रेजाले नेपालविरूद्ध नवौं मिनेटमा गोल गरेका थिए। बराबरीसँगै नेपालले चार खेलबाट ७ अंक जोडेको छ। दोस्रो स्थानको माल्दिभ्सको ६ अंक र तेस्रो स्थानमा भारतको ५ अंक छ। अहिले राति ९:४५ बजे भारत र माल्दिभ्सबीच प्रतिस्पर्धा हुँदैछ। फाइनलमा पुग्न माल्दिभ्सलाई बराबरी भए पुग्छ भने भारतलाई जीत चाहिन्छ। यो खेलको नतिजापछि नेपालले फाइनलमा भिड्ने टिमको टुंगो लाग्नेछ।

एशियाकै दास्रो लामो जिपलाईन काठमाडौंको शंखरापुरमा संचालन हुने

एशियाकै दास्रो लामो जिपलाईन काठमाडौंको शंखरापुरमा संचालन हुने भएको छ । साहसिक खेलको रुपमा परिचित जिपलाईन शंखरापुर नगरपालिकामा वडा नं. ८ मा पर्ने मणिचुड देखि जहरसिङ पौवा सम्म करिब २८ सय मिटर लामो जिप लाईन संचालनको काम अगाडि बढेको छ ।

करिब १५ करोडको लागतमा अनुमानमा निर्माण सुरु भएको जीपलाईनको शंखरापुर नगरपालिकाका मेयर सुबर्ण श्रेष्ठ र उपमेयर शुक्रलक्ष्मी ले संयुक्त रुपमा शिलान्यास गरेका छन् । जिपलाईन संचालनको लागि पूर्वाधार निर्माण कार्य ६ महिना भित्र सकाएर संचालनमा ल्याउने जहरसिङ पौवा रिसोर्ट तथा जिप लाईनका संचालक नवीन हुमागाईंले बताए ।

जीपलाईन संचालन आए पछि शंखरापुर पर्यटन प्रर्वद्धन मा उल्लेख्य फडको मार्ने शंखरापुर नगरपालिकाका मेयर सुबर्ण श्रेष्ठले बताए । शंखरापुरमा सडक पूर्वाधार काम तिर्व गतिमा अगाडि बढिरहको छ । जिपलाईन निर्माण भएपश्चात पर्यटन र कृषिको विकासमा महत्वपूर्ण भुमिका हुने विश्वास गरिएको छ ।

जिप लाईन निर्माण कार्य स्थानियको सहभागिता तथा समाजसेवी जनप्रतिनिधी कर्मा वल लामाको प्रत्यक्ष सहभागितामा निर्माण भैरहेको जिप लाईनका संचालक नवीन हुमागाईले बताए ।