इन्स्टाग्राममा २० लाख फलोअर्स पार गर्ने पहिलो नेपाली अभिनेत्री बनिन् अदिती बुढाथोकी


मनोरन्जन

काठमाडाैं । अदिती बुढाथोकी इन्स्टाग्राममा २० लाख फलोअर्स पार गर्ने पहिलो नेपाली मोडल तथा अभिनेत्री बनेकी छिन्। चर्चामा आइराख्ने धेरै अरु कलाकारहरु पनि छन् । तर, सामाजिक सञ्जालमा आदितीलाई टक्कर दिने भने कोही छैनन् । सामाजिक सञ्जालमा उनको सुन्दरता, व्यक्तित्व र उनका तस्विरहरुको खुबै तारिफ हुने गर्छ ।

को हुन् अदिती ?

झापाकाे दमकमा जन्मिएकी अदिती नेपाली मोडल तथा अभिनेत्री हुन् । सूचना प्रविधिमा स्नातक उनी बलिउडमा दर्शन रावलको हिट म्युजिक भिडियो ‘हावा बन्के’ मा अभिनय गरेपछि चर्चामा आएकी थिइन् । नेपालमा जन्मिए पनि उनी आफ्नो अभिनयको सपना पूरा गर्न भारत गएकी हुन् ।


धेरै म्यागाजिन कभरहरूमा प्रस्तुत भइसकेपछि उनले २०१८ मा सुरेन्द्र पौडेल निर्देशित नेपाली रोमान्स ड्रामा एक्सन फिल्म ‘कृ’ बाट अभिनय सुरुवात गरेकी थिइन् । उनले पञ्जाबी गीतहरुमा पनि अभिनय गरेकी छिन् । हाल इन्स्टाग्राममा २० लाख फलोअर्स पार गरेर उनी थप चर्चामा छिन् । इन्स्टाग्राममा मात्र नभएर फेसबुक पेजमा पनि उनका ९ लाख ७४ हजार फ्यान फलोअर्स रहेका छन् । उनलाई पछ्याउँदै १० लाख फलोअर्स बनाएर अर्की चर्चित अभिनेत्री प्रियंका कार्की दोस्रो स्थानमा छिन् ।