माधब नेपालको साथ छोडेर एमाले प्रबेश गर्दै पुण्य गौतम


समाचार

काठमाडौं । सामाजिक अभियान्ता तथा पूर्व प्रधानमन्त्री माधव कुमार नेपाल नेतृत्वको नेकपा (एकीकृत समाजवादी) का नेता पुण्य गौतम एमाले प्रबेश गर्ने भएका छन् । भृकुटी मण्डप आज हुने बृहत जनसभामा उनि एमाले अध्यक्ष केपी शर्मा ओलीको हातबाट टिका लगाएर एमाले प्रबेश गर्न लागेका हुन् । स्थानिय निकायको चुनाबको मुखैमा पुण्य गौतमले एमाले प्रबेश गर्नुलाई निकै अर्थपुर्ण ढंगमा हेरिएको छ।

केहिदिन अगाडि काठमाडौं महानगरपालिकी मेयर उम्मेदवार सिर्जनासिंहलाई सहयोग गर्न जाँदा पुण्य गौतमलाई कुकुरले समेत टोकेको थियो। सिंहको घरमा पालेको कुकुरले उहाँलाई टोकेको हो । कुकुरको टोकाइबाट खुट्टा र पाखुरा चोट लागेको थियो ।

फेबसकु, युट्युब, टिकटक लगायतका सामाजिक सञ्जाल चलाउने प्रयोगकर्तामध्ये उनलाई नचिन्ने सायदैं होलान् । तत्कालिन समयमा उनलाई नेकपा एमालेको केन्द्रीय सदस्य बनाईएको र अन्तिममा समयमा नाम काटिएको चर्चा पनि हुने गर्दछ । उसो त गौतम राजनीतिक विश्लेषकका रुपमा चिनिन्छन् ।

पीएचडी स्कलर भन्दै चर्चामा आएका गौतम पछिल्लो समय साना साना विषयमा पनि बोल्न थालेपछि आफ्नो राजनीतिक हैसियत गुमाएका थिए । नेपालमा भएको ससस्त्र जनयुद्धमा माओवादी बनेका उनी शान्ति प्रक्रियामा आएपछि मणि थापा नेतृत्वको नेकपा (क्रान्तिकारी)का केन्द्रीय सदस्य बनेका थिए ।