जापानमा बिश्वबिद्धालय स्तरिय टिमसँग नेपाली फुटबलको लज्जास्पद हार


खेलकुद

काठमाडौं : एएफसी एसिया कप छनोटअन्तर्गत जापान भ्रमणमा रहेको नेपाली राष्ट्रिय फुटबल टिमले दोस्रो हार बेहोरेको छ। शुक्रबार ग्रीन साकाई स्टेडियममा भएको खेलमा नेपाल हानान युनिभर्सिटीसँग ६-० को फरिकलो अन्तरले पराजित भएको हो।

सुरुवाती दुई खेलमा क्रमश: बराबरी र जितको नतिजा निकालेको नेपाल तेस्रो र चौथो खेलमा भने पराजित भएको हो। नेपाल यसअघि अमिटिज स्पोर्ट्स क्लबसँग ५-० ले पराजित भएको थियो।

दश दिने जापान भ्रमणमा नेपालले भोली शनिबार भिसेल कोबको यू-१८ टिमसँग अन्तिम अभ्यास खेल खेल्नेछ। एएपसी एसियन कप छनोट अन्तर्गत नेपालले आगामी सेप्टेम्वर ५ मा घरेलु मैदानमा ताजिकिस्तानसाग खेल्दैछ।

नेपाली टोलीमा गोलकिपर विकेश कुथु, विशाल श्रेष्ठ, एलन न्यौपाने, डिफेण्डर विराज महर्जन, अनन्त तामाङ, विमल बस्नेत, देवेन्द्र तामाङ, जितेन्द्र कार्की, कमल श्रेष्ठ, राजेन्द्र रावल, मान बहादुर तामाङ, दीनेश राजवंशी साथै मिडफिल्डर विक्रम लामा, विशाल राई, हेमन गुरुङ, सुजल श्रेष्ठ, अन्जन विष्ट, हेमन्त थापा मगर, सुनिल बाल  छन् । फरवार्डमा अनिल गुरुङ, भरत खवास, नवयुग श्रेष्ठ, विमल घर्ती मगर, सुमन लामा समावेश भएका छन् । जापान जाने टिममा प्रशिक्षकसहित ६ जना पनि रहेका छन् ।