यी हुन् ‘डेस्पासितो’ गीतका १० रोचक तंथ्यहरु


रोचक

ताजा खबर टिभी | पुर्तोरिकन गायकद्वय लुइस फोन्सी र ड्याडी यांकीको ‘डेस्पासितो’ ले कम समयमै संसारभरि हलचल मच्चाएको छ। यो यूट्युब इतिहासमै सबभन्दा छिटो धेरैपटक हेरिएको गीत हो। सार्वजनिक भएको २०३ दिनमै यो ३ अर्बभन्दा बढी हेरिएको छ।

यति मात्र होइन, सबैभन्दा धेरै ‘लाइक’ पाउने र तीन अर्ब दर्शक (भ्यू) कटाउने पहिलो गीतका रूपमा यसले युट्युबमा इतिहास रचेको छ। अाज हामी तपाईं यहि ‘डेस्पासितो’ १० वटा रोचक कुराहरु बताउदैछौ ।

१. युटुबमा सबैभन्दा धेरै हेरिएको भिडियो ‘डेस्पासितो’ हो । यही जनवरी १२ मा सार्वजनिक डेस्पासितो ३ अर्ब २१ करोडभन्दा बढी हेरिएको छ भने यसले १ करोड ९६ लाखभन्दा बढी लाइक पाएको छ।

२. यो ‘ल्याटिन पप’ गीत ‘डेस्पासितो एन्ड मिस ग्रान्ड एक्जिटोस’ एल्बममा छ। पुर्तोरिकोका मनमोहक स्थान, ओल्ड सन जुआनको ला पर्लाको रमणीय परिवेश र स्थानीय बार ‘ला फाक्टोरिया’ को रमझमपूर्ण साँझमा छायांकन यो गीतको म्युजिक भिडियो युनिभर्सल म्युजिक ल्याटिनले रिलिज गरेको हो।

३. ‘डेस्पासितो’ स्पेनिस शब्द हो । यसको अर्थ हुन्छ, विस्तारी। सुस्तरी।

४. एन्ड्रेस टोरेस र मरिको रेन्गिफोले निर्माण गरेको डेस्पासितोका शब्द गायकद्वय फोन्सी र यांकीका साथै एरिका एन्डरले रचेका हुन्।

५. गीतले सन् २०१७ प्रिमियस जुभेन्टडअन्तर्गत ‘पर्फेक्ट कम्बिनेसन र बेस्ट सङ फर सिङ्गिङ’, टिन च्वाइसअन्तर्गत ‘च्वाइस ल्याटिन सङ र च्वाइस समर सङ’ विधामा अवार्ड जितिसकेको छ।

६. पुर्तोरिकन गायक तथा अभिनेता फोन्सीले दुई वर्षदेखि कुनै गीत निकालेका थिएनन्। ल्याटिन ग्रामी अवार्ड २०१६ की विजेता गीतकार एन्डरलाई फोन्सीले कोरस सुनाए। उनलाई मनपर्यो। त्यसपछि दुवै मिलेर यो गीतका शब्द रचे।

७. फोन्सीले ब्यालेका रूपमा पहिल्यै ‘डेस्पासितो’ बनाइसकेका थिए। उनलाई त्यो खासै चित्त बुझेको थिएन। उनी त्यसमा आधुनिक शैली समेट्न चाहन्थे। र, यसैका लागि पहिले सँगै काम गरेका पुर्तोरिकन गायक, र्यापर तथा अभिनेता ड्याडी यांकीलाई सम्झे। चर्चित गीत ‘ग्यासोलिना’ का गायक यांकीको लयले डेस्पासितोको क्यानभासमा आधुनिक रङ थप्ने उनको विश्वास थियो।

८. ‘डेस्पासितो’ मा अभिनय गर्ने मोडल जुलाईका रिभेरा हुन् । जसले २००६ मा मिस युनिभर्स उपाधी जितेकी थिईन् ।

९. ‘डेस्पासितो’ को लिरिक्सलाई मलेसियामा प्रतिबन्ध गरिएको छ । मलेसियनका अनुसार यो गितको शब्द ईस्लाम धर्म बिरुद्ध छ ।

१०. ‘डेस्पासितो’ गितमा हरेक २४ घण्टामा १५ मिलियन नयाँ भ्यु अाईरहेको छ । जुन अहिलेसम्म कुनै भिडियो अाएको थिएन ।