काठमाडौं । अभिनेत्री नीता ढुंगाना र अभिनेता एवं ज्योतीष हरिहर अधिकारीको निर्माण तथा अभिनय रहने चलचित्र ‘ह्रस्वदीर्घ’मा मोडल गरिमा शर्मा अनुबन्धित भएकी छन् । आइतबार सामाजिक सञ्जाल मार्फत नीताले उक्त कुराको जानकारी गराएकी हुन् । नीताले सामाजिक सञ्जाल फेसबुकमा उक्त कुराको जानकारी गराउँदै गरिमालाई बधाई दिँदै स्वागत गरेकी छन् ।
यो फिल्ममा गरिमाको भूमिका के हो भन्ने त खुलेको छैन । तर, फिल्म क्षेत्रमा नायिकाको रुपमा जमेर स्टार हुने सपना पालेकी यी सुन्दरी कलाकार नै कलाकारको भीडमा प्रवेश गरेकी छिन् । चलचित्रमा गरिमा र रविन्द्रका अलावा बिपना थापा, सरोज खनाल, नीता ढुंगाना, हरिहर अधिकारी, सलोन बस्नेत, प्रदीप रावत, ब्रम्हानन्द लगायतका नेपाली र भारतीय कलाकार तय भैसकेका छन् ।
यसैले, सबैले आश गरेकी गरिमाको प्रवेशले फिल्ममा एक जना कलाकार थपिनु बाहेक अन्य खासै ठूलो अपेक्षा गर्ने अवस्था हुन्छ जस्तो नदेखिएको चलचित्रकर्मी नै बताउँछन् । नायक पल शाहसँग थुप्रै म्युजिक भिडियो खेलेर चर्चामा आएकी गरिमाले आफूलाई फिल्म क्षेत्रमा स्थापित गर्न चाहिरहेकी छिन् या धेरै फिल्म खेलेर आफू फिल्ममा व्यस्त छु भनेर देखाउन खोजिरहेकी छिन्, यो उनले नै जान्ने कुरा भयो । तर पछिल्लो समयमा भने उनी सलोन बस्नेत जस्तै साईड हिरोईन मै सिमित हुन सक्ने देखिन्छ । त्यसैले उनका सबै समर्थकले प्रश्न गरेका छन् गरिमा जी साईड हिरोईनमै चित्त बुझाउने हो ?
