गायिका समिक्षा अधिकारीलाई गालि गर्नेहरु होसियार, जेल जानु पर्ला

खेलकुद

काठमाडौं । केही समयअघि एक अभिनेतासंग कानुनी झमेलामा परेकी गायिका समिक्षा अधिकारी अझै पनि खुलेर हिड्न सकेकी छैनन् । गितहरु रेकर्डिङ तथा म्युजिक भिडियोका कार्यहरूमा उनलाई खासै बाधा अड्चन नदेखिए पनि साङितिक कार्यक्रमहरुमा भने उनलाई सहज वातावरण अझै मिल्न सकेको छैन । सामाजिक संजालमा समेत उनको बारेमा नकारात्मक कमेन्ट घट्ने अवस्था आइसकेको देखिन्न ।

केही समयअघि एक कार्यक्रममा प्रस्तुती दिदै गर्दा उनी माथी ढुङ्गा प्रहार भएको थियो । त्यसबेला उनी जोगिए पनि सामाजिक संजाल प्रयोगकर्ताको तुच्छ प्रहारबाट भने उनी जोगिन सकेनन् । सामाजिक संजालमा आफुप्रती नकारात्मक कमेन्टको वर्षात भएपछि समिक्षाले केही समय पब्लिक कमेन्टलाई हटाएकी थिइन् । अर्थात उनका फेसबुकमा साथी बनेकाहरुले मात्रै कमेन्ट गर्न मिल्थ्यो । तर, अहिले भने उनले पब्लिक कमेन्टलाई फुकुवा गरेकी छन् ।

हालै उनले एक चुनौतीपुर्ण स्ट्याटस सहित नकारात्मक कमेन्ट गर्नेलाई आफ्नो फेसबुक आइडी तथा पेजमा खुल्ला छोडेको संकेत गर्दै त्यस्ता कमेन्टलाई तह लगाउने साइबर अपराधको कानुन पनि देशमा रहेको लेखेकी छन् । उनले स्ट्याटसमा ‘मान्छेहरु हजारौँ वर्षदेखिको सामाजिक कमजोरीहरु देख्दैनन्, महिलामाथिको अन्याय र विभेद जान्दैनन्, एउटी नारीको चरित्रमा प्रश्न गर्छन् । आकाशमा उड्ने पन्छीलाई केहीबेरको हुस्सु र तुवाँलोले त्यति ठूलो फरक पार्दैन ।’ भन्दै यस्तो बताएकी हुन् । यति मात्र होईन समिक्षाले केहि समय अगाडि मध्यरातमा आफु यसरी गालि खाएर सधै बाच्न नसक्ने आसयको स्टाटस लेखेकी थिईन् । तर त्यसमा पनि थुप्रै नकरात्मक कमेन्ट आएपछि उनले उक्त स्टास डिलिट गरेकी थिईन् ।

Tagged

Leave a Reply

Your email address will not be published. Required fields are marked *