काठमाडौं । राष्ट्रिय जन साँस्कृतिक महा संघ नेपाल, बागमती प्रदेश समितीको आयोजनामा “बागमती साँस्कृतिक सम्मिलन – २०७९” हुने भएको छ । यस कार्यक्रम चैत्र १२ गते देखी १४ गते सम्म रामेछापको मन्थलीमा हुने भएको छ ।
“बागमती साँस्कृतिक सम्मिलन – २०७९” का लागी चैत्र ८ गतेका दिन रिपोटर्स क्लब नेपालमा पत्रकार सम्मेलनको आयोजना गरी बिबिध बिषयमा जानकारी गराईएको थियो ।
पत्रकार सम्मेलनमा बागमती प्रदेश समितीका अध्यक्ष होम राज श्रेष्ठको अध्यक्षता रहेको थियो । बागमती प्रदेश भित्रका बिभिन्न जातजाती सहित समग्र लोक कला संस्कृती र सृजनात्मक कला संस्कृतीका खोज अन्बेषण, कार्यपत्र प्रस्तुती, कला प्रस्तुत सहित सम्पन्न गरिने कुरा आयोजक पक्षले जानकारी गराएको छ । पत्रकार सम्मेलनमा अमृत खातीले कार्यक्रम सञ्चालन गरेका थिए ।
बागमती प्रदेश भित्रका लोक संस्कृती र कलाहरुको पहिचान गर्नु, बामती प्रदेश भित्रका साहित्य लेखनका प्रबृत्तीहरु पहिल्याउनु, बागमती प्रदेश भित्रका स्थापत्यकला, चित्रकला, मुर्तीकला, संगीतकला र प्रदर्शन कलाको प्रदर्शनका साथै मुल प्रबृत्तीहरु पहिचान गर्नु, बागमती प्रदेश भित्र रहेका साँस्कृतिक एबं अन्य सम्पदाहरुको पहिचानका साथै तिनको पर्यटन प्रबद्र्धनसँग सम्बन्धित बिमर्शबाट निती निर्माणमा सहयोग गर्नु “बागमती साँस्कृतिक सम्मिलन – २०७९” का मुख्य उदेश्यहरु रहेका छन् ।
पुष्पलाल र गंगालाल श्रेष्ठले शाहदत प्राप्त गरी शहिद भएको स्थल भएको कारणले बागमती साँस्कृतिक सम्मिलन २०७९ रामेछापको मन्थलीमा गरिन लागेको कुरा बागमती प्रदेश समिती समितीका अध्यक्ष होमराज श्रेष्ठले बताएका छन् । साथै बागमती साँस्कृतिक सम्मिलन २०७९ मा चिरायु नेशनल हस्पिटलले निशुल्क स्वास्थ्य शिबिर गरेर निशुल्क चेकजाँच सहित निशुल्क औषधी बितरण गर्ने कुरा जानकारीमा आएको छ ।
