काठमाडौं । प्रनिनिधिसभा सदस्य डा.तोसिमा कार्कीले भ्रष्टाचारमा कहाँनेर लिङ्ग जोडिएको हुन्छ भन्दै प्रश्न गरेकी छन् । मङ्गलवार प्रतिनिधिसभा बैठकको शून्य समयमा बोल्दै सांसद कार्कीले भनिन्– ‘टेप काण्डको अनुसन्धान गर्नुपर्छ भन्दा एक सांसदले भ्रष्टाचार भएको कुरा एक सांसदले महिला हिंसा भएको बताउनुभयो । मलाई उत्तर दिनुपर्यो, भ्रष्टाचारमा कहाँनिर लिङ्ग जोडिएको हुन्छ ?’ उनले चिनारी फेरेर भ्रष्टाचार र राष्ट्रघातक भएको बताइन । उनले सांसदहरूले बुझाएको सम्पत्ति विवरण वेबसाइट मार्फत सार्वजनिक गर्न र सम्पत्ति कर तिरे नतिरेको विवरण पनि सार्वजनिक गर्न माग गरिन् ।
नेपाली नागरिकलाई नक्कली भुटानी शरणार्थी बनाएर विदेश लैजानेलाई सरकारले नै जोगाउन खोजेको समेत उनले बताइन् । “नेपाली नागरिकलाई नक्कली भुटानी शरणार्थी बनाएर विदेश लैजानेमा देशका ठूला–ठूला निकाय र नेताहरू संग्लन भएको कुरा बाहिर आइरहेको छ,” उनले भनिन् “प्रहरीद्वारा पक्राउ पुर्जी जारी गर्दा समेत जोगाउन खोजिएको छ ।” उनले अन्तर्राष्ट्रियस्तरमा राज्यलाई दलाल स्थापित गर्न खोजेको आरोप समेत लगाइन् ।
