काठमाडौं । अभिनेता सारुक ताम्राकारले आत्महत्या गरेपछि अभिनेत्री नम्रता श्रेष्ठ जबरजस्त विवादमा आइन् । केही मिडियाहरुले उनैले सारुकलाई आत्महत्यामा धकेलेको अर्थ लाग्ने गरी समाचारहरु पनि लेखे । त्यतिबेलासम् सारुकको कुनै ‘सुसाइड नोट’ प्रहरीले नभेटेकाले यो घटनालाई लिएर विभिन्न संकाहरु उठेका थिए । तर, उनको मोबाइलको फरेन्सिक ल्याब परीक्षणले घटनालाई नयाँ ट्विस्ट दिएको छ । मोबाइलको नोटप्याडमा सारुकको ‘सुसाइड नोट’ फेला परेको छ, जसमा उनले कसैलाई पनि आरोपित गर्न चाहेका छैनन् ।
प्रहरीले अनुसन्धानको लागि उनको फोन प्रहरी प्रधान कार्यालय नक्सालको डिजिटल फरेन्सिक ल्याबमा पठाएको थियो। त्यहाँबाट पठाएको उक्त रिपोर्टबाट सुसाइड नोट भएको खुलेको हो। सुसाइड नोटमा उनले आफ्नै गल्तीका कारण आत्महत्या गरेको र कसैलाई पनि दोषी नबनाउन उल्लेख गरेको प्रहरीले बताएको छ। इट्स अल माइ फल्ट। कसैलाई दोषी नबनाउनु ‘कन्ट्रोभर्सी केही पनि छैन। लेट मी रेस्ट इन पिस भनेर शाहरुखले आफ्नो नोटमा लेखेका छन् ।
आत्महत्या गरेकै दिन नम्रता र सारुक ‘ह्यासट्याग माया’ को सुटिङमा थिए । सुटिङकै क्रममा उनीहरुबीच विवाद भएको तथा होटलमा फर्किएपछि पनि झगडा गरेका कुराहरु चलचित्रको निर्माण टीमले बाहिर ल्याए । यसबाट नम्रता तनावमा थिइन् । कतिपय मिडियाले उनी देश छोडेर भागेको समाचारसमेत लेख्न भ्याए । तर शाहरुखको नोट भेटिएसँगै नम्रतालाई फंसाउने खेल बिफल भएको छ । प्रहरीलाई पनि नम्रतालाई अनुसन्धानमा तान्न दबाबसमेत परेको थियो । तर, उनीविरुद्ध कसैले उजुरी नगरेकाले सोधपुछको लागि नबोलाइएको स्रोतले बतायो ।
यसैबिच छोराको पिरले शिथिल बनेका सारुकका पिता कलाकार सानु ताम्राकार अस्पताल भर्ना भएका छन् । उनी शनिबारदेखि नर्भिक अस्पतालमा भर्ना भएको श्रोतले जानकारी दिएको छ। डाक्टरका अनुसार छोराको निधनको पिरले उहाँ निकै शिथिल हुनु भएको छ । साथमा उहाँको किड्नीमा समेत केही खराबी देखिएको छ । जसकाकारण, शनिबारदेखि अस्पतालमा भर्ना हुनु भएको हो । डाक्टरका अनुसार उहाँको अवस्था गम्भिर छ ।’
