काठमाडौं : राष्ट्रिय स्वतन्त्र पार्टीले स्वर्णिम वाग्लेलाई पार्टी उपसभापतिको जिम्मेवारी दिएको छ। पार्टीमा २ वटा उपसभापतिको पद सिर्जना गर्दै रास्वपाले वाग्लेलाई दोस्रो वरीयताको उपाध्यक्ष बनाएको हो। यसअघि उपाध्यक्ष रहेका डीपी अर्याल सोही पदमा कायम छन्। अर्यालसंगै दोस्रो वरीयतामा वाग्लेलाई उपाध्यक्ष बनाइएको हो।
रास्वपाले सह–महामन्त्रीमा कवीन्द्र बुर्लाकोटी, सुमना श्रेष्ठ र विपिन आचार्यलाई चयन गरेको छ। महामन्त्रीमा मुकुल ढकाल यथावत् छन्। संसदीय दलको उपनेतामा विराजभक्त श्रेष्ठ र प्रमुख सचेतकमा सन्तोष परिवार यथावत् रहेका छन्।
रास्वपा सचिवालय:
१. सभापति- रवि लामिछाने
२. उपसभापति- डिपि अर्याल
३. उपसभापति- डा. स्वर्णिम वाग्ले
४. महामन्त्री- डा. मुकुल ढकाल
५. सहमहामन्त्री – कवीन्द्र बुर्लाकोटी
६. सहमहामन्त्री- सुमना श्रेष्ठ
७. सहमहामन्त्री- विपिन आचार्य
८. संसदीय दलको उपनेता – विराजभक्त श्रेष्ठ
९. प्रमुख सचेतक- सन्तोष परियार
१०. कोषाध्यक्ष- लिमा अधिकारी
११. सहकोषाध्यक्ष- बसुमाया तामाङ
१२. सहकोषाध्यक्ष- दीपक बोहोरा
