काठमाडौं । ‘मान दिनेलाई मान दिने हो, सान दिनेलाई हान्दिने हो । गुन्द्रुक ढिँडो पावर, ट्वान्टी फोर आवर’ यो संवाद आजभन्दा आठ वर्ष अगाडि निर्माण भएर प्रदर्शन भएको नेपाली चलचित्र ‘धूम–२’मा त्यसका अभिनेता जयकिशन बस्नेतले बोलेका हुन् । सिनेमा हलहरुमा प्रदर्शन भएर युट्युवमा समेत सार्वजनिक भएको यो चलचित्र सवा करोड पटक हेरिएको छ ।
निर्माण भएको आठ वर्षपछि यो चलचित्र अहिले पुनः चर्चामा आएको छ । त्यसको कारण हो उक्त चलचित्रमा प्रयोेग भएको संवादमा गीत बन्नु । उक्त चलचित्रको संवादमा गीत बन्नुमात्र भए पनि खासै चर्चा हुन्थेन होला तर एकै शब्दमा दुइवटा गीतका भिडियो सार्वजनिक भएका छन् भने तेश्रो गीतको भिडियो पनि सार्वजनिक हुन लागेको जानकारी आज आयोजित एक कार्यक्रममा दिइएको छ । नायक, निर्माता तथा यिनर्देशक जयकशिन बस्नेतले उक्त कुराको जानकारी दिएका हुन् ।
कट्टा हान्दिन्छु बोलको गीतको भिडियो ओबी रायमाझी नामक युट्युब च्यानलबाट १० पदन अगाडि सार्वजनिक भएको छ । उक्त गीतमा थेगोको रुपमा ‘मान दिनेलाई मान दिन्छु, सान दिनेलाई सान दिन्छु । तिमीले धोका दियौ भने माकस्सम कट्टा हान्दिन्छु’ भनेर प्रयोग गरिएको छ । एलिना चौहानले गाएको उक्त गीतको शब्द नेत्र अर्यालले र संगीत खेम सेन्चुरीले तयार गरेका छन् । ओबी रायमाझी र आस्मा विश्वकर्माले मुख्य भूमिकामा नृत्य र अभिनय गरेको भिडियोमा साउथ चलचित्र ‘पुष्पा’मा समावेश समे समे बोलको गीतमा राखिएका नृत्य स्टेप हालिएको छ ।
नेपाली चलचित्र ‘धूम २’ नहेरेका दर्शकहरुका लागि उक्त गीतमा समावेश भएका शब्द नयाँ पनि लाग्न सक्छन् तर हेरिसकेका दर्शकहरुले भने सहजै चलचित्रका आकर्षक संवाद टिपेर गीत बनाएको सहजै थाहा पाउँछन् । दुई हप्ता अगाडि विश्वराम कार्की नामक युट्युव च्यानलबाट सार्वजनिक भएको अडियो गीत सुन्नेहरुले उक्त गीतबाट एलिनाको स्वरको गीत चोरेको आरोप लगाउँछन् । तर, त्यति मात्र नभई कार्कीले उक्त गीत एक वर्षभन्दा अगाडि नै रेकर्ड गरेको भए पनि भिडियो निर्माणमा ढिलाइ भएको कारण बजारमा चर्चामा आउन पनि ढिलाइ भएको बताएका छन् ।
आज भने एक कार्यक्रमको आयोजना गरी भिडियो सार्वजनिक गरिएको छ । उक्त गीतको अडियोमा विश्वरामले नै स्वर दिएका छन् भने कार्की जी ९सुवास० र मेगेन्द्र सुबेदीको शब्दमा कार्की जी ९सुवास०को संगीत रहेको छ । उक्त गीतको थेगोमा ‘सान दिनेलाई सान दिन्छु, मान दिनेलाई मान दिन्छु । धेरै बढी बोलेपछि कट्टा हान्दिन्छु’ भनेर प्रयोग गरिएको छ । एलिनालृ गाएको गीतमा मायाप्रेममा धोका दिए कट्टा हान्ने भनिएको छ भने विश्वरामले गाएको गीतमा सामाजिक काममा लागेको व्यीक्तको बारेमा धेरै बोले कट्टा हान्ने भाव राखिएको छ । यद्यपी, थेगो नै गीतको मेरुदण्ड हुने हुँदा अर्काको सृजनाको कपिराइट भने उल्लंघन भएको छ ।
चलचित्रमा उक्त संवाद सृजना गरेका अभिनेता तथा निर्माता जयकिशन बस्नेतले कार्कीले रेकर्ड गरेको गीतको बारेमा आफूले ८ महिना अगाडि नै थाहा पाएको बताए । आफ्नो निर्माणाधीन चलचित्र ‘धूम ५’मा उक्त गीत समावेश गर्ने कुराकानी पनि भइरहँदा अचानक महिला आवाजमा उक्त गीतको थेगो समावेश भएर आउँदा भने आफू अचम्ममा परेको उनले बताए ।
एक्सन चलचित्रको शैलीमा निर्माण गरिएको गीतको भिडियोमा राजेन्द्र खड्गी, जयकिशन बस्नेत, दीपा शाही, मेगेन्द्र सुवेदी, कार्की जी तथा ह्यान्सी लगायतको अभिनय छ । मिलन विश्वकर्माले सम्पादन गरेको भिडियोको निर्देशन विक्रम चौहानले गरेका छन् ।
भिडियो हेर्न यो लिंकमा क्लिक गर्नुहोस्
