काठमाडौं । कोटेश्वरको एक घरमा ग्यास लिक भएर आगलागी हुँदा दुईजना घाइते भएका छन्। घाइते हुनेमा २३ वर्षीय विक्कर लामा र २८ वर्षीय उदय श्रेष्ठ रहेको बानेश्वर प्रहरीले जानकारी दिएको छ। घाइतेहरूको तीनकुनेस्थित कान्तिपुर अस्पतालमा उपचार भइरहेको छ।
मदन भण्डारी पार्क नजिकै रहेको एक घरको गोदाममा बुधबार दिउँसो आगलागी भएको थियो। दमकल,प्रहरी र स्थानीयको सहयोगमा आगो नियन्त्रणमा आएको हो।
आगलागीबाट गोदाममा राखिएका सामान जलेर नष्ट भएका छन्। आगलागीबाट क्षतिको थप विवरण भने आउन बाँकी छ।
