काठमाडौं । रास्वपा सभापति रबि लामिछाने र रास्वपा दुवैको जनमत निरन्तर ओरालो लागेको देखेको प्रतिवेदन बुझाउने रास्वपा महामन्त्री मुकुल ढकाललाई कार्वाहीको माग पाटी भित्रैबाट उठ्न थालेको छ । स्थापनाको छोटो समयमै २१ सिट जित्न सफल राष्ट्रिय स्वतन्त्र पार्टी संकटतिर धकेलिएको प्रतिवेदन महामन्त्री मुकुल ढकालले ल्याएका छन् ।
रास्वपाका केही नेताले पार्टी २०८४ मा पहिलो बन्ने बताइरहेका छन् । तर उता महामन्त्री ढकालले भने सभापति लामिछाने र रास्वपा दुवैको जनमत निरन्तर ओरालो लागेको देखेको प्रतिवेदन बुझाएपछि उनलाई महामन्त्रीबाट हटाउने तयारी भईरहेको स्रोतले बताएको छ । मुकुलको ठाउँमा रास्वपा पार्टीकै अनुशासन बिभाग प्रमुख यज्ञमणि न्यौपानेलाई महामन्त्री बनाउनु पर्ने माग पाटी भित्रै उठिरहेको छ ।
