काठमाडौं । नेपाली सांगीतिक बजार संगीतमय बन्दै गएको छ। पछिल्लो समय एकपछि अर्को गरेर नयाँ नयाँ गीतहरु सार्वजनिक भईरहेका छन्। नेपाली महिलाहरुको महान पर्व हरितालिका तीज सकिए लगत्तै बिभिन्न कलाकारहरुले फरक फरक गीतहरु बजारमा ल्याउने होडबाजी चलिरहेको छ।
सोही क्रममा पर्वतको माटोमा जन्मिएका बहुप्रतिभाशाली ब्यक्ति लोकप्रिय गीतकार, संगीतकार कस्तुप पन्तको नयाँ आधुनिक गीत “धेरै माया” केही दिन अघी सार्वजनिक भएको छ। उनै कस्तुप पन्तका के भनौ र खोई, अंगुर अमिलो, बिर्सियौ की कुन्नी, देउरालीमा धजा, फुलको थुंगामा, खोली बगर, गंगा जीको पानी, सामजको बन्धन, मायाले मन छुन्छ, उकाली ओराली धाईयो, मन्दिरमा गजुर, सिलौटोमा चटनी, बिजुली चमक्क लगायत दर्जनौ गीतहरुले अत्याधिक चर्चा कमाउन सफल भएका छन्।
दुई दशक देखी सांगीतिक क्षेत्रमा निरन्तर रुपमा क्रियाशिल छन्। अडियो, भिसिडी, सि।आर।बि।टी तथा पि।आर।बि।टी। देखी हाल डिजिटल बजार सम्म आई पुग्दा उनका सयौं गीतहरु चर्चामा छन्। लोक दोहोरी गीतबाट चर्चामा आएका पन्तले सुगम संगीतमा पाईला टेक्दन खोज्दा त्यहाँ पनि नसोचेको सफलता प्राप्त गरे। उनका लोक दोहोरी गीत मात्र हैन दर्जनौ आधुनिक गीतहरु चर्चामा छन्। कस्तुप पन्त पर्वत कलाकार समाज नेपालका संस्थापक अध्यक्ष समेत हुन्। उनी धेरै संघ संस्थाहरुमा पनि आबद्ध छन्। पन्त मौलिक गीतलाई आधार बनाएर गीत सृजना गर्ने, संगीत गर्ने मध्यका एक गीतकार, संगीतकार पनि हुन्।
यो सालको तीजमा “बिजुली चमक्क” गीतले पनि चर्चा कमाउन सफल भयो। “बिजुली चमक्क” गीतको अपार सफलतापछि कस्तुप पन्तले आधुनिक गीत “धेरै माया” सार्वजनिक गरेका हुन्। यस गीतमा प्रमोद खरेलको स्वर रहेको छ भने कस्तुप पन्त कै शब्द, संगीत रहेको छ। गीतको भिडियोमा क्रान्ती केसीले निर्देशन गरेका छन् भने अजय रेग्मीको छायांकन, क्रान्ती केसीको सम्पादन रहेको छ।
उक्त गीतको भिडियोमा बिक्रम बुढाथोकी र सञ्चिता शाहीको अभिनय रहेको छ। यस गीतलाई कस्तुप पन्तकै युटुब च्यानलबाट सार्वजनिक गरिएको हो। भिडियो हेर्नका लागी तलको लिंक क्लिक गर्नुहोला।
