काठमाडौं । विपिन कार्की र उपासनासिंह ठकुरी स्टारर फिल्म ‘कर्मा’को डान्सिङ ट्रयाक ‘सारी लगाइदेऊ’ युट्युबमा सार्वजनिक भएको छ । भास्कर स्वारको संगीत, सुष्मा सिग्देलको शब्द र सलिना बिकको स्वर समावेश छ ।
रत्यौली संस्कृतिमा तयार पारिएको गीतको अडियो र भिडियो दुबै आकर्षक छन् । वैवाहिक समारोहको सेटिङमा खिचिएको यो गीतमा विपिनलाई फकाउन उपासना र उनका साथीहरूले प्रस्तुत गरेको नृत्यको सन्दर्भ कम्पोज गरिएको छ ।नयाँ वर्ष २०८२ को छेको पारेर चलचित्र ‘कर्मा’ आगामी चैत २९ गते रिलिज हुँदै छ । नेपाल र विदेशमा यो चलचित्र एकसाथ प्रदर्शन हुनेछ ।
चलचित्रमा विपीन कार्की, उपासना सिंह ठकुरी, मुकुन भुसाल, दिब्यदेब, सरिता गिरी, बेन बस्नेत, सुज्यान सिलवाल, अनिल बुढाथोकी, निर्मल शर्मालागायतको पनि अभिनय रहेको छ । सिनेमाको कथा निर्देशक चौधरी स्वयंले लेखेका छन् । ‘कर्मा’मा भाष्कर स्वाँरको संगीत निर्देशन, कविराज गहतराजको कोरियोग्राफी, श्री श्रेष्ठको द्वन्द्व निर्देशन र निमेष श्रेष्ठको सम्पादन छ ।
तारानाथ न्यौपाने मुख्य सहायक निर्देशक रहेको सिनेमामा समीर मियाको भीएफएक्स, उत्तम न्यौपानेको व्याकग्राउन्डस्कोर, शाहिल खानको टिजर–ट्रेलर, विजय बाश्यालको पब्लिसिटी डिजाइन र राजेन्द्र मोक्तान कलरिस्ट रहेका छन् । आर्टिस्टिक इन्टरटेनमेन्टको प्रस्तुति रहने ‘कर्मा’ मा वसन्त लम्सालको लगानी रहेको छ ।
