काठमाडौं । नेपाल विद्युत प्राधिकरको नयाँ कार्यकारी निर्देशकको रुपमा हितेन्द्रदेव शाक्यले कार्यभार सम्हालेका छन् । सरकारको निर्णयसँगै उनले मंगलबार साँझ विद्युत प्राधिकरणमा पुगेर कार्यभार सम्हालेका हुन् ।
सोमबार बसेको मन्त्रिपरिषद्को बैठकले कुलमान घिसिङलाई हटाएर शाक्यलाई कार्यकारी निर्देशक नियुक्त गर्ने निर्णय गरेको थियो । सो निर्णय सरकारले मंगलबार औपचारिक रुपमा सार्वजनिक गरेको थियो ।
शाक्यले पदभार ग्रहण गपछि सञ्चारकर्मीसँग बोल्दै अब घरायसी ग्राहकहरूमा लोडसेडिङ नहुने उनले बताए । ‘केही मानिसहरूले लोडसेडिङ हुन्छ भन्ने हल्ला चलाएका छन् । त्यो निराधार हो । अब घरायसी ग्राहककहाँ लोडसेडिङ हुँदैन,’ उनले भने, ‘उद्योगमा लोडसेडिङ छ, त्यो पनि हटाउँछु ।’
