काठमाडौं । नायक जय किशन बस्नेत नयाँ फिल्ममा अनुबन्ध भएका छन् । उनि परिच्छेद सेनले निर्देशन गर्ने चलचित्र ‘महाराजधिराज’मा अनुबन्ध भएका हुन् । यसअधि नायक पल शाह, रमेश उप्रेती र आर्यन सिक्देलले समेत उक्त फिल्म खेल्ने पक्का भैसकेको छ ।
२०८१ मा फेरि रेशम फिलिली रंगी लगायत दर्जनौं फिल्म छाडेका जय किशन बस्नेत २०८२ मा भने थुप्रै फिल्महरु खेल्ने भएका छन । यसैक्रममा उनले महाराजधिराज साईन गरेका छन् । त्यस्तै एनबि महर्जनको आजकी बुहारीको शूटिङ शुरु पनि भैसकेको छ । यसैगरी जय किशन बस्नेतको अन्य धेरै बिग ब्यानरका फिल्महरु यस बर्ष शुरु हुन गैरहेको छ ।
छत्रेश्वरी म्यानेजमेन्ट प्रा.लि.को प्रस्तुति रहेको ‘महाराजधिराज’ को कथा निर्देशक परिच्छेद सेनले नै लेखेका हुन् । बिराजले यसअघि चलचित्र ‘बुलाकी’ निर्माण गरेका थिए भने निर्देशक सेनले ‘प्रेमगञ्ज’ निर्देशन गरेका थिए। विराज बिष्ट प्रस्तुतकर्ता रहेको फिल्मको निर्मातामा टोपेन्द्र विष्ट, चक्रबहादुर केसी र रवी खड्का रहेका छन्। यो चलचित्र दसैँको फूलपातीमा आउने निर्माण टिमले बताएको छ।
