काठमाडौं । रुकुमपश्चिमबाट काठमाडौं आउँदै गरेको यात्रुबाहक बस तनहुँको डुम्रेमा विपरीत दिशाबाट आउँदै गरेको टिपरसँग ठोक्किँदा कम्तीमा सात जना यात्रु घाइते भएका छन् ।
घाइतेहरूको स्थानीय लक्ष्मी अस्पताल डुम्रेमा उपचार भइरहेको प्रहरीले जनाएको छ ।
दुर्घटनामा बस चालकको अवस्था गम्भीर रहेको र थप उपचारका लागि तयारी भइरहेको जिल्ला प्रहरी कार्यालय तनहुँले जानकारी दिएको छ । दुर्घटना आज बिहान बन्दीपुर नगरपालिका९१, डुम्रे नजिकै भएको हो ।
प्रहरीका अनुसार सो टिपर मुग्लिन९पोखरा सडकखण्ड विस्तार परियोजनाअन्तर्गत सञ्चालनमा रहेको थियो । दुर्घटनाको विस्तृत विवरण केहीबेरमा सार्वजनिक गरिने जिल्ला प्रहरी कार्यालय तनहुँले जनाएको छ ।
घटनास्थलमा सुरक्षाकर्मी खटिएका छन् भने बस र टिपर दुबै गाडी डिपोमा लगिएको छ ।
