विश्वप्रसिद्ध कान्स फिल्म फेस्टिभल २०२५ मा अभिनेता प्रदीप खड्का र प्रदीप शाही सहभागी भएका छन् ।
फ्रान्समा जारी फेस्टिभलको रेडकार्पेटमा “एक्लो” का अभिनेता खड्का र शाही सहभागी भएका हुन् ।
प्राप्त तस्बिरमा प्रदीप खड्का कालो सुट, चस्मा र लामो कपालमा देखिएका छन् भने प्रदीप शाही कालो पाइन्ट र रातो कोर्टमा छन् । उनीहरूसहित ‘एक्लो’ का निर्माताहरू रितेश राना, संगीता श्रेष्ठ, भाइराजा थापा, राजु गुरूङ, उत्सव विष्टसहित कोपरेटिभ डिरेक्टर रिश्ता कार्की पनि बजारीकरण प्रमुखको रूपमा सहभागी भएका छन् ।
कान्सको स्टलमा नेपालको झण्डा समेत राखिएको थियो। निर्देशक प्रदीप शाही स्वयम प्रोड्युर्स नेटवर्कमा सहभागी छन् । शाहीले भनेका छन्, ‘हामीले यसवर्षको कान्समार्फत नेपाल र एक्लोलाई कनेक्ट गर्न खोजेका छौं ।’ मे १३ देखि सुरु भएको कान्स फिल्म फेस्टिभल मे २४ सम्म चल्नेछ ।
