बैङ्कक। थाइल्याण्डको संवैधानिक न्यायलयले प्रधानमन्त्री पेटोङटार्न सिनावात्रालाई उनको पदबाट निलम्बन गरेको छ । उनीमाथि कम्बोडियाका नेता हुन सेनसँग फोनमा कुराकानी गरेको आरोप छ । ‘लिक’ भएको उक्त क्लिपमा उनले सेनलाई काका भनेर सम्बोधन गरेकी थिइन् । र, एक थाई सैन्य कमान्डरको आलोचना गरेकी थिइन् ।
थाइल्याण्डमा यसलाई एक गम्भीर मामिला मानिन्छ, किनभने त्यहाँ सेनाको निकै ठुलो प्रभाव छ । यो कुराकानी बाहिरिएपछि देशभर आक्रोश फैलिएको थियो । अदालतले ७(२ को बहुमतले प्रधानमन्त्रीलाई पदबाट निलम्बन गरेको हो । अदालतले उनीविरुद्धको उजुरीमाथि छानबिन गरिने बताएको छ । यदि उनी दोषी ठहरिइन् भने उनलाई सधैँका लागि पदबाट हटाइन सकिनेछ ।
अर्बपति सिनावात्रा परिवारकी छोरी उनि १० महिनादेखि सत्तामा छिन्। उनी सन् २००१ मा प्रधानमन्त्री निर्वाचित भएका थाक्सिन सिनावात्राकी कान्छी छोरी हुन्। गएको अप्रिल ४ मा थाईल्याण्डमै भएको छैटो बिम्स्टेक सम्मेलमा सिनावात्रा र नेपालका प्रधानमन्त्री केपि शर्मा ओलिबिच भेट भएको थियो । ओलिले उनले गरेको सम्मानको नेपालका ठुलै चर्चा समेत भएको थियो। त्यो भेटको तिन महिना नबित्तै सिनावात्राको पद नै खुस्किएको छ ।
