काठमाडौं । धुमधाम बिहे गरेको नौ महिना पनि नबित्तै डिभोर्स गरेकी एलिना चौहानलाई गायिका भन्दा पनि फण्डा क्विन नामले धेरैले चिन्छन्। चर्चाको लागि उनि बेला बेला नयाँ नया फण्डा गरि रहन्छिन् । गित चलाउन ब्रेकअपको हल्ला होस् या श्रीमान् विष्णु सापकोटाको खुट्टो ढोगेको कुरा होस् एलिना सधै विवादको केन्द्रमै रहन मन पराउछिन् । कहिले आरजु राणाको तारिफ गर्दै कांग्रेशमा भोट हाल्छु भन्छिन् भने कहिले दुनियाँले चिन्ने रवि लामिछानेलाई म चिन्दिन भन्दै अन्तर्वार्ता दिन्छिन् !
त्यस्तै केहि समय अगाडि एक महोत्सवमा साउण्ड टेक्निसिशनलाई हप्काएर पनि उनि फेरि बिवादमा आएकी थिईन् । त्यसपछि साउण्ड सिस्टम व्यवसायीले देशभर बहिस्कारको धम्की दिएपछि एलिनाले माफी समेत मागेकी थिईन । यो विवाद साम्य हुदै गएपछि एलिनाले दुबईमा बस्ने एक नेपालीले ठगेको भन्दै सामाजिक संजालमा भिडियो हालिन् । जसले एलिनालाई थप चर्चामा ल्यायो।
यो बिवाद पनि सेलाएपछि एलिना यतिबेला अर्को फण्डाको कारण चर्चामा छिन् । सधै बिवाधित छबि बनाएकी उनले आफुलाई सामाजिक संजालमा गालि गर्नेहरुको स्क्रिन सट भन्दै अश्लिल शब्दले भरिएका स्टाटसहरु सार्वजनिक गरिरहेकी छिन् । अझ रोचक कुरा त के छ भने आफ्नो चरित्र हत्या भयो भन्दै हार गुहार गर्ने एलिनाले केहि फ्यानलाई आफ्नो पुर्व श्रीमानलाई तेरो छोरी दे भन्दै निकै तल्लो स्तरको रिप्लाई समेत दिने गरकी छिन् ।
कतिपयले उनलाई गित चल्ने छोडेपछि चर्चाको लागि नयाँ फण्डा झिकेको आरोप पनि लगाउने गरेका छन् । त्यस्तै कतिपयले दुर्गेश थापाले जस्तै बिरोधीलाई आफ्नो कामले जवाफ दिन पनि सुझाब दिएका छन् । यसरी एलिनाको बिगतदेखि पछिल्लो हर्कतहरु हेर्दा उनि शिर्जनशिलतामा भन्दा कन्ट्रोभर्सीमा रमाउने गायिकाको रुपमा चिनिन्छ ।
