काठमाडौं । रिनेश घिमिरे केशमा उनकी प्रेमिका सुप्रिया खड्काले ठुलो खुलासा गरेकी छिन् । दोलखा घर भई काठमाडौं नयाँ बजारमा बस्ने २५ वर्षीया सुप्रियाले प्रहरीसँगको बयानमा आफू स्वयम् पीडित भएको बताएकी छन् । रिनेशले आफूलाई जतिबेला पनि मरिदिन्छु भनेर घुर्की लगाउने गरेको उनले बताएकी छन् ।
युवतीका अनुसार रिनेशले संसार छोडेको अघिल्लो रात उनीहरु सँगै थिए । राति ९-१० बजेसम्म आफ्नै कोठामा बसेको र कुटपिटसमेत गरेर फर्केको उनको बयान छ ।
युवतीले प्रहरीसँग भनेकी छन्, ‘मलाई पिटेर जानुभयो, भोलिपल्ट माफी माग्नु होला भनेको केही पनि गर्नुभएन । उल्टै यस्तो गर्नुभयो ।’ जतिबेला पनि मरिदिन्छु भने पनि आत्महत्या गर्ने नठानेको उनले बताएकी छन् ।
ललितपुरको चापागाउँ घर भएका २७ वर्षका रिनेश बुवाआमाका एक्ला छोरा हुन् । उनी ढोलाहिटीमा मोबाइल पसल सञ्चालन गर्थे । त्यस्तै नयाँ बजारमा आमासँग बसिरहेकी प्रेमिका सुप्रिया टिकटकमा लाइभ बस्ने गर्थिन् । आमाले सानोतिनो व्यापार व्यवसाय गर्छिन् ।
