काठमाडौं । नेपाल क्रिकेट संघ (क्यान) ले नेपाल प्रिमियर लिग (एनपीएल) को दोस्रो संस्करणका लागि खेलाडी अक्सनको मिति तय गरेको छ। क्यानका अनुसार, अक्सन आगामी साउन २४ गते हुनेछ। जसमा कुल ४५८ नेपाली क्रिकेटरले आफ्नो नाम दर्ता गराएका छन्। यसअघि क्यानले जुलाई १२ देखि २२ खेलाडी दर्ता खुलाएको थियो।
क्यानले दर्ता भएका खेलाडीहरूको विवरण आठवटै फ्रेन्चाइज टोलीलाई उपलब्ध गराइने जनाएको छ। यो सिजनको अक्सनमा सहभाग आठ टोलीले ५ देखि ६ खेलाडी टोलीमा आबद्ध गर्नेछन्। यसअघि प्रतियोगितामा सहभागी आठवटै टोलीले आफ्ना रिटेन गरिएका खेलाडीहरूको सूची सार्वजनिक गरिसकेका छन्।
रिटेन्सनपछि बाँकी रहेका स्थानहरूमा खेलाडी भित्र्याउन टोलीहरू अक्सनमा सहभागी हुनेछन्। प्राविधिक समितिले तोकेको मापदण्ड र टोलीहरूको प्राथमिकताका आधारमा अक्सनमा सहभागी हुने खेलाडीको अन्तिम सूची तयार पारिनेछ।
