काठमाडौं । चर्चित गायक बिश्वराम कार्की जनावरहरुको उद्धार गर्न सकृय भएर लागेका छन् ।थुप्रै चर्चित गित गाईसकेका उनि अहिले भने जनावरहरुको उद्धार तथा हेरचाहमा लागेका हुन् । सारा जनावर उद्धार केन्द्र नेपाल संस्था नै दर्ता गरेर उनले वेवारिसे जनावरको उद्धारमा लागेको बताएका छन् ।
सानै देखि एनिमल लभर बिश्वरामले हालसम्म हजारौ बेवारिसे कुकरहरुको उद्धार तथा हेरचाह गरिसकेका छन् । साथै दैनिक २ सय सडकका बेवारिसे कुकरहरुलाई खाना खुवाउँदै आईरहेका छन् । बिश्वराम भन्छन् : ‘जनावरको उद्धार तथा हेरचाह गर्दा मलाई एकदमै आनन्द लाग्छ, भगवानले मलाई जनावरहरुको हेरचाह कै लागि यो धर्तिमा पठाए जस्तो लाग्छ । म निरन्तर जनावरको सेवामा समर्पित हुनेछ । पछिल्लो समय धेरैले घरमा पालेको कुकुरलाई बुढो भएपछि सडकमा बेवारिसे छोड्दिने गरेको उनले बताए ।
हालसम्म उनले त्यस्ता सयौ कुकरको मालिकलाई पत्ता लगाएर कार्वाहिको पहल समेत गरेका छन् ।’आफ्नो कुकरलाई सडकमा छोड्दिने, आफ्नो कुकरलाई घरमा यातना दिने, वेवारिसे कुकरलाई मार्ने कुटपिट गर्ने ब्यक्तिहरुलाई कानुनि दायरामा ल्याउँदै आएको पनि बिश्वरामले बताएका छन् । ‘हालसम्म हामीले घरमा जनावरलाई यातना दिने वेवारिसे कुकरलाई मार्ने सयौलाई कानुनी दायरमा ल्याएर कार्वाही गरिसकेका छौ ।’ बिश्वरामले भने ।
‘आफ्नो घर छेउछाउमा कसैले याताना दिएको देखेर हामीलाई खबर आउँछ त्यसपछि हामी तुरुन्त त्यहाँ गएर कार्वाहीको लागि पहल गर्छौ ।’ सबिधानमा वेवारिसे जनावरलाई मार्ने, कुटपिट गर्नेलाई जेलदेखि जरिवानाको ब्यवस्था गरिएको छ ।
