काठमाडौँ । पछिल्ला केही वर्षयता नेपाली चलचित्र निर्माता तथा निर्देशकहरू पटक–पटक देशकै सबैभन्दा ठूलो मल्टिप्लेक्स चेन क्यूएफएक्सप्रति असन्तुष्टि जनाउँदै आएका छन् । उनीहरूको गुनासो एउटै छ— विदेशी फिल्मलाई प्राथमिकता दिइन्छ, तर नेपाली फिल्मलाई शो बाँडफाँडमा उपेक्षा गरिन्छ ।
यसैबीच, चलचित्र कोशेढुङ्गाका निर्देशक सरोज पौडेलले सामाजिक सञ्जालमार्फत हल सञ्चालकमाथि प्रहार गरेका छन् । उनले लेखेका छन्, “विदेशी फिल्मले हावा खाएपछि बल्ल हलले नेपाली फिल्मलाई ठाउँ दिनेरहेछ । आफ्नो बारीको भन्दा पारीको प्यारो १” पौडेलको आरोप स्पष्टतस् क्यूएफएक्सतर्फ नै लक्षित रहेको मानिन्छ, किनभने उनको चलचित्र क्यूएफएक्स चेनबाट पहिले नै हटिसकेको छ ।
यस्तै, चलचित्र अभिमन्युका निर्माता विनोद पौडेलले पनि फेसबुकमार्फत असन्तुष्टि जनाएका थिए । उनले दशैँमा आफ्नो फिल्मलाई क्यूएफएक्सले प्रदर्शन रोक्न खोजेको दाबी गर्दै भनेका थिए, “फूलपातीमा तीनवटा ठूलो सिनेमा छ, तपाईंको चलचित्रलाई शो दिन सकिँदैन भनेर सिधै अस्वीकार गरियो । नेपाली सिनेमालाई विश्वास गर्नुस् भन्ने हाम्रो माग मात्र हो ।”
यी दुई घटनामात्र होइनन्, यसअघि पनि निर्देशक सुवर्ण थापा ९राधा० र निश्चल बस्नेत (बेहुली फ्र’म मेघौली) लगायतका फिल्म निर्मातारनिर्देशकले शो वितरणमा विभेद भएको भन्दै आफ्ना चलचित्र हलबाट उतारेका थिए । निश्चलले त व्यंग्यात्मक शैलीमा क्यूएफएक्सलाई “सम्मानजनक शो उपलब्ध गराएकोमा धन्यवाद” भन्दै फिल्म ओटीटीमा लैजाने निर्णयसम्म गरेका थिए ।
निर्माता–निर्देशकहरूको आरोप छ— प्रदर्शक र वितरक आफैं विदेशी फिल्म किनेर ल्याउने भएकाले उनीहरूकै प्राथमिकतामा विदेशी फिल्म पर्छन् र नेपाली सिनेमालाई उपेक्षा गरिन्छ ।
तर, हल सञ्चालकहरूको भिन्न तर्क छ । उनीहरूको भनाइमा शो वितरण गर्दा चलचित्रको इन्क्वायरी, प्रचार–प्रसार, कलाकारको लोकप्रियता, निर्माता–निर्देशकको विगत र दर्शकको चापलाई आधार मानिन्छ । व्यापारिक हिसाबले जुन फिल्मलाई दर्शक बढी देखिन्छ, त्यही अनुसार शो थपिँदै जाने दाबी उनीहरूको छ ।
तर, बारम्बार देखिने यी विवादले एउटा प्रश्न भने उठाइदिएको छ( के क्यूएफएक्सले साँच्चिकै नेपाली फिल्मलाई थोरै शो दिन्छ रु नेपाली सिनेमाका निर्माता र निर्देशक भने हिन्दी वा हलिउड फिल्म आउँदा नेपाली फिल्मलाई शो दिन हिच्किचाउने, फिल्म चलेपछि थाहा हुन्छ भन्ने कुरालाई बेवास्ता गरेर पहिल्यै “नचल्ने” भनेर मान्ने । कहिलेकाहीँ नेपाली फिल्मलाई अविश्वास गरेर नै शो दिएन भन्ने गुनासो गर्छन् । साथै, क्यूएफएक्स भित्रका प्रदर्शक आफैँ विदेशी सिनेमा किनेर ल्याउने र वितरण गर्ने भएकाले नेपाली सिनेमालाई उपेक्षा गर्ने गरेको आरोप लगाउँदै आएका छन् । प्रदर्शक र वितरकले नै विदेशी सिनेमा किनेर ल्याउने भएकाले उनीहरूको प्राथमिकतामा नेपाली चलचित्र नपर्ने गरेको उनीहरूको गुनासो छ ।
