‘पिर्का’ लेखेर कटाक्ष गरेपछि सुरक्षा पन्तमाथि खनिए रबिका समर्थक

समाचार

काठमाडौं । नायिका सुरक्षा पन्तले ‘पिर्का’ कविता फेसबुकमा पोस्ट गरेपछि यतिबेला चर्चामा आएकी छिन् । उनले पिर्का नामक कविता फेसबुकमा राखेपछि राष्ट्रिय स्वतन्त्र पार्टीका सभापति तथा गृहमन्त्री रबि लामिछानेका समर्थकहरुले यतिबेला विरोध गरिरहेका छन्।

गृहमन्त्री लामिछानेले अस्सति शस्त्र प्रहरीको एक कार्यक्रममा पिर्कामाथि चढेर सलामी लिएका थिए। सञ्चारक्रममा रहँदा त्यसको चर्को विरोध गर्ने गृहमन्त्री लामिछाने आफैंले पिर्कामाथि चढेर सलामी लिएपछि नायिका पन्तले आजमात्रै फेसबुकमा राखेको उक्त कविताको केहीले समर्थन गरेका छन् भने केहीले विरोध गरेका छन्। 

उनको कविताको तर्क विर्तकपछि पन्तले आजै अर्को स्टाटस लेख्दै भनेकी छिन्, ‘पिर्का कविता विरोधाभाषले लेखिएको कविता कदापि होइन। तर यदि त्यहीँ महसुश हुन्छ पाठकहरुलाई भने मेरो लागि यो कविता झुर कविता हो।’

यस्तो छ पन्तको ‘पिर्का’ कविता :

के रहेछ पिर्काको कथा
जसले पनि बोलेको हुन्छ
के रहेछ हिमालमा
जो पनि चढेको देखिन्छ

पिर्का र हिमालमा केही त फरक हुन्छ
नत्र हिमाल चढेपछि
हिमालहरु,अरु,आँखा जुधाउँछन्
आफूतिर बोलाउँछन्
अनि गुनगुनाउँछन् आँटको गाथा
चिसो हावाले गाला चिमोट्छ यसरी
कति खेर! झरम जस्तो हुन्छ, तल्तिर
लाज लागेर नि !
केही त अलौकिक छ उचाइमा

पिर का!
ओर्लन जान्ने
ताल परे चढ्दिन जा!
भन्ने मान्छे
नभएर त पक्कै होइन?
यो त एउटा कालखण्ड, जसको घमण्ड!
कठै! बानी बन्दै हो
प्रभुत्व अगाडी कदै सानो छ त आफ्नो
हामी आफै भन्दो हो?
“इतिहासको अगाडी कसैको केही लाग्दैन”
चुनि चुनि बुनि बुनि पठाएका
आफ्नै मुटुका टुक्रा उभिँदा पनि
पिर्का फित्तिकै भाँचिदैन।

मानौं!
स्वदेशी रोजगारी
स्कुल देखि पदमा पुग्छे हाम्री पियारी!
यता चढे उता बढे भने
खेतहरु बाँझो नहुने तयारी
के भो त अनि?

पिर्काहरु अझै बन्नु पर्छ ।
जुन हेर्दा मैदान जस्तो होस्
या होस् सूर्यमुखी फूल सरी
संरचना यसको फेरिनै पर्छ।
कम्तिमा पनि अन्जुली जस्तो त होस्
जसमा मुलको पानी, थपि थपि पिउन मिल्छ।

Leave a Reply

Your email address will not be published. Required fields are marked *