काठमाडौं । नेकपा एमालेबाट सुवास नेम्वाङले राष्ट्रपतिमा उम्मेदवारी दर्ता गरेका छन् । पार्टी अध्यक्ष केपी शर्मा ओलीसहितको टोली बानेश्वरस्थित संघीय संसद भवन परिसरमा स्थापना गरिएको निर्वाचन अधिकृतको कार्यालय पुगेर मनोनयन दर्ता गरेको हो ।
एमालेको आजै बिहान बसेको केन्द्रीय सचिवालय बैठकले सुवास नेम्वाङलाई राष्ट्रपतिको उम्मेदवार बनाउने निर्णय गरेको थियो । राष्ट्रपतिमा बहुमत जुटाउन एमालेले कांग्रेसबाहेक सबै दलसँग संवाद गर्ने भएको छ । कांग्रेसले आफ्नो दलबाट उम्मेदवार उठाउने भएकाले उसँग भने संवाद नगर्ने एमाले उपमहासचिव पृथ्वी सुब्बा गुरुङले जानकारी दिए ।
