प्रकाश सपूतको ‘सकम्बरी’ २४ घण्टा नपुग्दै टप ट्रेन्डिङमा

काठमाडौं । चर्चित गायक एवम् निर्माता प्रकाश सपूतले बिहीबार सार्वजनिक गरेको ‘सकम्बरी’ २४ घण्टा नपुग्दै युट्युबमा टप ट्रेन्डिङ भएको छ।

समाचार तयार गर्दासम्म गीत सार्वजनिक भएको २२ घण्टा भएको छ र ६ लाख ९८ हजार भ्युज पाएको छ। यो गीतमा करिब ५ हजारले प्रतिक्रिया पनि दिएका छन्। नयाँ गीत ‘सकम्बरी’ (फूलमाया) ले उनका पुराना गीत जस्तै चर्चा बटुलेको हो।

नयाँ वर्ष २०८० को पूर्वसन्ध्या सार्वजनिक गीतका शब्द सपूतले नै लेखेका हुन्। त्यस्तै सङ्गीत र स्वर पनि उनकै छ। गीतको सङ्गीत संयोजन सुदीप सागरले गरेका छन्।

गीतमा सपूतलाई लोक गायिका ब्रता गन्धर्वले स्वरतर्फ साथ दिएकी छन्। यसमा चर्चित अभिनेता सुनिल थापा र मोडल कुशुम शर्मासहितले अभिनय गरेका छन्।