निरा हत्याकाण्ड ! भाडा किन्न भन्दै छिरे सिक्री लुट्न खोज्दा प्रतिकार गरेपछि मारे

समाचार

काठमाडौं। खैरो टिशर्ट र निलो टाउजर तथा मुखमा माक्स लगाएका ३५ बर्षिय यी हुन् निरा पाण्डेका हत्या आरोपी बिनोद बिक । प्रहरीले आइतबार काठमाडौँमा पत्रकार सम्मेलन गरी आरोपी विनोदलाई सार्वजनिक गरेको हो ।

पत्रकार सम्मेलनमा ब्युरोका एसएसपी दिनेश आचार्य दिएको जानकारीअनुसार वैशाख ७ गते विनोदले लुटपाट गर्न खोज्दा निराले प्रतिकार गरेकी थिइन्। प्रतिकार गरेपछि विनोदले पसलमै भएको चक्कुले पटक-पटक हानेर निराको हत्या गरेका थिए।


पक्राउ परेका विक झापामा क्यासिनोमा काम गर्थे। त्यही क्रममा उनमा जुवा खेल्ने लत बस्यो। उनलाई तीन लाख रुपैयाँ ऋण लागेको थियो। त्यसपछि उनी झापा छोडेर काठमाडौं आएका थिए। काठमाडौंमा उनी नाइट क्लबमा बाउन्सरको काम गर्थे।

सोझो हिसाबले काममात्र गर्दा खर्च चलाउन र ऋण तिर्न नसकेपछि आफू लुटपाटमा लागेका उनले प्रहरीलाई बयान दिएका छन्। त्यही क्रममा निराको पसलमा लुटपाट गर्न जाँदा प्रतिकार गरेपछि हत्या गरेको अभियुक्तले स्वीकारेका छन्,’ आचार्यले भने,‘हत्यापछि उनी ६ दिनसम्म लोकन्थलीमा रहेको साथीको कोठामा बसेका रहेछन्।’

Leave a Reply

Your email address will not be published. Required fields are marked *