काठमाडौं । आफैबाट रुपान्तरण जरुरी भन्दै जनतासँग माओवादी विशेष रुपान्तरण अभियान अन्तर्गत सोमबार कामपना १६ वडास्थित बाइसधारामा माओवादीले सरसफाइ अभियान थालेको छ । माओवादी स्थायी समिति सदस्य अमृताथापा मगरको इन्चार्जसिप पार्टी केन्द्रीय सदस्य जन्मदेव जैसीको संयोजनमा बाइसधाराको पार्क र माथिल्लो पिकनिक स्पोर्ट एरियामा करिव ३ घण्टा सरसफाइ अभियान सोमबार सम्पन्न भयो ।
स्थायी समिति सदस्य अृमता र केन्द्रीय सदस्य जैसीले विहान ११ बजे सरसफाई अभियानको उद्घाटन गरेका थिए । अभियानबारे स्पष्ट पादै नेतृ थापामगरले जनतासँग रुपान्तरण हुनु भनेको जनताका समस्या र सरोकारका विषयमा जोडिएर मात्र सम्भव हुने बताइन् ।
केन्द्रीय सदस्य जैसीले जनसरोकारका विषय उठाएर मात्र रुपान्तरण सम्भव भएकाले जनताका पिरमर्का र मुद्धाका लागि संघर्षशील हुनु नै वास्तविक रुपान्तरण हुने बताए । “जनताले माओवादी विगे्रपनि फेरि सच्चिन्छौं भनेर आएपछि हामीले साथ दिनुपर्छ भनेका छन् तर हामी जनभावना अनुसार रुपान्तरण हुनैपर्छ पटक पटक जनताले विश्वास गदैनन् यसपल्टको अभियानबाट हामी सच्चिन्छौं भन्नेमा व्यवहारबाटै विश्वस्त पार्नु हाम्रो कर्तव्य हो,” अभियानलाई सम्बोधन गर्दै जैसीले भने ।
अभियानमा प्रदेश सचिवालय सदस्यहरु रुपेश शिलवाल, नवराज दाहाल, श्याम श्रेष्ठ, प्रदेश सदस्य प्रेम श्रेष्ठ, उद्यमी व्यवसायी महाशाखा अध्यक्ष, अम्बिर गुरुङ, बुद्धिजिवी केन्द्रीय सदस्य डा. बद्री पौडेल, खेलकुद परिषद सदस्य सम्राट, कामनपा निर्वाचन क्षेत्र ७ क प्रदेश अध्यक्ष सुजन लामा, देवेन्द्र श्रेष्ठ, महानगर अध्यक्ष राजेश लामा, उपाध्यक्ष कुलबहादुर महर्जन, महानगर सदस्य कविता बस्नेत श्रेष्ठ, सिर्जना घिमिरे, नेवा मोर्चा जिल्ला अध्यक्ष धर्मदेव महर्जन, मजदुर नेता रामजी मण्डल, पार्टी वडा इन्चार्ज उपेन्द्र श्रेष्ठ, अध्यक्ष सुदन थापा, स्थानीय नेता प्रकाश बलामी, सचिव सुजता थापामगरलगायत पार्टी सदस्य र विद्यार्थीका जिल्ला इन्चार्जसहित जिल्ला सदस्य, र स्थानीय जनताको उल्लेखीय सहभागिता थियो ।
