काठमाडौं । पश्चिम नवलपरासीको सुनवल नगरपालिका वडा नं २ अमरैयामा २५ वर्षीय हेमराज थारुले आफ्नै बुवा ५० वर्षका जयराम थारु र छिमेकी ७० वर्षका वुद्धनाथ धरिकारको कोदालो प्रहार गरी हत्या गरेका छन् । ‘बुवालाई कोदालो प्रहार गरेर हत्या गरेपछि आमाले गाउँमा हारगुहार माग्गेपछि छिमेकी धरिकार उद्धारका लागि पुगेपछि उनलाई पनि कोदालो प्रहार गरेका थिए।
हत्यापछि गाउँमा कोदालो बोकेर आतंक फैलाउँदै हिँडरहेका बेला हेमराजलाई प्रहरीले नियन्त्रणमा लिएको छ । ‘घटनामा संलग्न युवक लागुऔषध दुर्व्यसनी भएको र केही समयअगाडि मात्रै सुधारगृहबाट घर आएको प्रारम्भिक अनुसन्धानमा खुलेको छ,’ ! हेमराजले बुवासँग पटक पटक बिहे नगराएको भन्दै विवाद गर्दै आएका थिए । ‘म त घटनास्थल पुगेर पनि हेर्न सकिनँ । कोदालोले हानेर ढलाएर पछि काटेर टाउको अलग बनाएको छ,’ सो वडाका वडा सदस्य विकास क्षेत्रीले बताए !
प्रहरीले घटनास्थलमा कोदालो बरामद गरेको छ भने हत्या किन र कसरी भयो भन्ने विषयमा प्रारम्भिक अनुसन्धान जारी रहेको जनाएको छ। प्रहरीका अनुसार हेमराजले बुबा जयराम थारूको घाँटीमा कोदालो प्रहार गर्दा घटनास्थलमै मृत्यु भएको थियो । त्यसपछि उनले छिमेकी नाथु धरिकारलाई पनि टाउको र घाँटीमा प्रहार गरेको प्रारम्भिक अनुसन्धानबाट खुलेको इलाका प्रहरी कार्यालय सुनवलका प्रहरी निरीक्षक सन्तोष पौडेलले जानकारी दिए ।
