बुढेस्कालमा प्रियंकाकी सासुले प्रेमी स्टुअर्टसँग गरिन् इन्गेजमेन्ट, किस गरेको रोमान्टिक तस्बिर भाईरल

मनोरन्जन

काठमाडौं । पूर्व बैंकर रविना देशराजले आफ्नो प्रेमीसँग इन्गेजमेन्ट गरेकी छिन्। हिजो भ्यालेन्टाइन्स डेको मौकामा रविनाले प्रेमी स्टुअर्ट एलेक्जेन्डर च्यापम्यानसँग इन्गेजमेन्ट गरेकी हुन्। रविनाले यसबारे इन्टाग्राम अकाउन्टमा जानकारी दिएकी हुन् । उनले प्रेमीसँगको फोटो सेयर गर्दै लेखेकी छिन्, ‘मैले धेरै वर्षदेखि प्रतीक्षा गरिरहेको उनको प्रस्तावलाई स्वीकार गरेँ ।’

‘उसले हुन्छ भनिन्, बधाइ छ, नयाँ सुरुवात’ भन्दै अभिनेत्री तथा रबिनाकी बुहारी प्रियंका कार्कीले पनि इन्गेजमेन्टका केही तस्बिर सेयर गरेकी छिन्। यस्तै, स्टुअर्टले पनि आफ्नो इन्स्टाग्राममा रबिनाले औँठी लगाएको फोटो सेयर गर्दैै ‘उनले हुन्छ भनिन्’ भन्ने क्याप्सन राखेका छन् । यसमा पनि स्टुअर्टकी छोरीले बधाई दिएकी छिन् । यसमा स्टुअर्टले जवाफ फर्काउँदै लेखेका छन्, ‘यो विशेष अवसर तिमीसँग साझा गर्न म निकै आतुर छु ।’

यस्तै, स्टुअर्टका छोराले पनि कमेन्ट गर्दै लेखेका छन्, ‘यो उमेरमा पनि यस्तो विशेष पल महसुस गर्न पाउनु भनेको अपत्यारिलो हो । तपाईंहरु दुबैले धेरै राम्रो गर्नुभएको छ र एक–अर्कालाई यत्तिको खुसी बनाउन सक्नु भनेको गर्वको विषय हो । ’ छोराको कमेन्टमा स्टुअर्टले पनि जवाफ दिएका छन् । उनले लेखेका छन्, ‘तिमीले क्रिसमसमा रविनालाई भेट्न पायौ, त्यसमा म धेरै खुसी छु । तिम्रो माया र समर्थन मेरो लागि धेरै महत्वपूर्ण छ । लभ यू – ड्याड ।’

रबिनाले मेगा बैंक छाडेको करिब एक साताभित्र आफ्नो प्रेमी सार्वजनिक गरेकी थिइन् । उनी बैंककी कायममुकायम कार्यकारी अधिकृत थिइन् । उनी अहिले प्रेमीसँग रमाइला क्षण बिताइरहेकी छिन्।

Leave a Reply

Your email address will not be published. Required fields are marked *