काठमाडौं । प्याप्सन अन्तर्गतको अन्तर बिधालय छात्रा स्तरिय भलिबल प्रतियोगिता सुरु भएको छ । यस कार्यक्रम फागुन ३ गते सुरु भएको हो भने फागुन ४ गते सम्पन्न हुँदै छ । यस प्रतियोगितामा काठमाडौंको पुरानो बानेश्वर स्थित क्यामब्रिज पब्लिक हाई स्कुलले संयोजनकारी भुमिका निर्वाह गरेको छ ।
यस प्रतियोगितामा २०७२ साल देखी यस बिधालयले संयोजनकारी भुमिका निर्वाह गर्दै आईरहेको छ । प्रतियोगितामा ११ समुहको सहभागिता रहेको छ । क्यामब्रिज पब्लिक हाई स्कुल की संस्थापक प्रधानाध्यापक रिता राई दाहालको अध्यक्षता रहेको यस कार्यक्रममा पुर्व पर्यटन मन्त्री तथा ओलम्पिकका अध्यक्ष जिबनराम श्रेष्ठको प्रमुख आतिथ्यता रहेको थियो । प्रतियोगितामा पुर्ब अन्तराष्ट्रिय भलिबल खेलाडी एबं पुर्व रथी मिनधोज खड्काको बिशेष उपस्थिती रहेको थियो । उक्त प्रतियोगिताको रेफ्री शान्ती गुरुङ रहेकी छिन् ।
क्यामब्रिज पब्लिक हाई स्कुल की संस्थापक प्रधानाध्यापक रिता राई दाहालले कार्यक्रममा बोल्दै भनिन् “बिधार्थीलाई अतिरिक्त क्रियाकलापमा पनि सहभागी गराउनुपर्छ । खेल स्वास्थ्यका लागी फाईदाजनक हो । खेलले बिधार्थीलाई फुर्तिलो बनाउछ ।
२ बर्ष कोभिडको कारणले यो प्रतियोगिता आयोजना गर्न पाईएन । कोभिडपछि यसलाई निरन्तरता दिन लागिएको हो । प्रतियोगिता सभ्य र भब्य तरिकाले सम्पन्न हुनेछ भन्ने कुरामा आशाबादी रहेको छु ।”
