दीपेन्द्र के खनालले निर्देशन गर्ने चलचित्र ‘हरिबहादुरको जुत्ता’को शुभमुहूर्त

मनोरन्जन

काठमाडौं । चर्चित अभिनेता हरिवंश आचार्यको कथा रहेको चलचित्र ‘हरिबहादुरको जुत्ता’ को शुभमुहूर्त सम्पन्न भएको छ । सोमवार भक्तपुरको सूर्यविनायक मन्दिरमा पूजापाठ गरी चलचित्रको शुभमुहूर्त गरिएको हो ।

सरस्वती पूजाको अवसर पारेर सूर्यविनायक मन्दिरमा कलाकार र निर्माताले पटकथा पुस्तक र क्यामेरा पूजाआजा गरे । कार्यक्रममा अभिनेता हरिवंश आचार्यले आजदेखि नै चलचित्रको प्रचारप्रसार सुरु भएको बताए । उनले चलचित्र एक वर्ष लगाएर लेखेको र चलचित्र देश बनाए जस्तै भएको बताए । देश बनाउँदा पनि बिग्रिएपछि सकिने र चलचित्र पनि बिग्रिएपछि सकिने उनले टिप्पणी गरे ।

दीपेन्द्र के खनालले निर्देशन गर्ने फिल्ममा हरिवंशसँगै प्रकाश सपुत, स्वस्तिमा खड्का, प्रियंका कार्की, किरण केसी, मुरलीधरको शीर्ष भूमिका हुनेछ । सरोज ओली र मोहितवंश आचार्यले निर्माण गर्ने फिल्म एसएम मोसन पिक्चर्सको ब्यानरमा बन्नेछ ।

Leave a Reply

Your email address will not be published. Required fields are marked *