काठमाडौं । गायक सुशान्त केसीले आफ्नो जन्मदिनको अवसरमा एउटा नयाँ गीत ‘झण्डै…’ सार्वजनिक गरेका छन् । गीतमा इशान केसीसँग सुशान्तले संगीत दिएका छन् । सुशान्त र राजश्री थापाले अभिनय गरेको गीतमा विछोडको भाव प्रस्तुत गरिएको छ ।
गीत सार्वजनिक गर्दै केसीले युट्युवमा लेखेका छन्, ‘तपाईको न्यानो शुभकामनाको लागि धन्यवाद । मार्च ८ मा भक्तपुरको सल्लाघारी मैदानमा सबैलाई भेट्ने आशा गर्दछु । यो पढ्ने जो कोहीको लागि- तपाईं मेरो लागि उपहार हुनुहुन्छ । म तपाईंलाई पनि केही उपहारहरू पठाउन चाहन्थे- ती मध्ये एक यो गीत हो । धेरै माया !’
सुशान्त यतिबेला कन्सर्टको तयारीमा छन्। आउँदो मार्च ८ मा भक्तपुरको सल्लाघारी मैदानमा उनको कन्सर्ट हुँदैछ।