अमेरिकामा हत्या गरिएकी नेपाली चेलि मुना पाण्डेलाई लुटपाटको क्रममा हत्या भएको खुलासा भएको छ। बुधवार पक्राउ परेका आरोपी ५१ बर्षिय बबि सिंह साहले बयानको क्रममा उक्त खुलासा गरेका हुुन् । त्यस्तै उनि पटके अपराधी भएको र पटक पटक जेल परेको पनि खुलेको छ । साथै बबि सिहं नेपाली नै रहेको अमेरिका रहेका पत्रकार सुरेश दर्पन पोख्रेलले बताएका छन् ।
मुना सोमबार साँझ गोली लागेको अवस्थामा अपार्टमेन्टमा भेटिएपछि प्रहरीलाई खबर गरिएको थियो । सोमबार बेलुका ५ बजेर ३५ मिनेटमा प्रहरी घटनास्थलमा पुग्दा उनलाई मृत अवस्थामा भेटाएको थियो । प्रहरीले मुनाको घर बाहिरको सिसिटिभी फुटेज हेर्दा बबि सिहंले मुनालाई पेस्तोल ताकेको देखिएपछि उनको व्यापक खोजी गरिएको थियो ।
बबि बुधबार स्थानीय समयअनुसार राति ९ बजे पक्राउ परेका थिए। त्यसअघि प्रहरीले सिसीटिभी फुटेजबाट प्राप्त भएको अभियुक्तको तस्बिर सार्वजनिक गरेको थियो। लगत्तै बबी बन्दुकसहित पक्राउ परेका थिए।
प्रहरीले बबिसिंह साहविरूद्ध दुईवटा मुद्दा दर्ता गरेको छ। बिहीबार सरकारी वकिल कार्यालयले बबिविरूद्ध जघन्य हत्या र गैरकानुनी हातहतियार विरूद्धको मुद्दा दर्ता गरेको स्थानीय सञ्चारमाध्यमहरूले उल्लेख गरेका छन्। जघन्य हत्याको अभियोग टेक्सासमा हत्याको सबैभन्दा गम्भीर रूप हो, जसमा मृत्युदण्डसम्म हुनसक्ने कानुनी व्यवस्था छ । त्यस्तै बबी सिंहविरुद्ध गैर कानुनी रुपमा हतियार बोकेको अर्को अभियोग पनि लगाइएको छ । गैरकानुनी रुपमा गाडीमा हतियार बोकेको र हतियार कभरले नछोपी देखिने गरी राखेको उक्त अभियोगमा बबी सिंहलाई बिहिबार अदालतमा पेश गरिने भएको छ ।
मुना ह्युस्टन कम्युनिटी कलेजमा नर्सिङ विषयमा अध्ययनरत थिइन् । पढाइ सकेर एक वर्षपछि घर आउने उनले बताएकी थिइन् । ‘पढाइ सकेर एक वर्षपछि मात्रै नेपाल आउँछु भन्थी । अब कहिले नआउने भएर गई । अब के गर्ने केही सोच्न सकेको छैन । मेरो बाँच्ने आधार मुना मात्रै थिइ । अब ऊ पनि छैन’ मुनाकी आमा अनिताले आफ्नो वेदना सुनाईन् । ‘छोरीसँग अन्तिम कुराकानी बिहीबार भएको थियो । त्यो बीचमा फोन भएन । एक्कासी मंगलबार उनकी साथीले फोन गर्दै घटना सुनाएपछि के–के भयो मैले केही चाल पाइनँ,’
अनिता आफ्ना श्रीमानसँग छुट्एिर एक्लै बस्न थालेकी थिइन् । मुना आमासँगै बस्थिन् । अनिता भोजपुरबाट इटहरी हुँदै पछिल्लो समय काठमाडौं काँडाघारीमा बस्दै आएकी छिन् ।
