काठमाडौं । विश्वकपमा उत्कृष्ट प्रदर्शन गर्दै चर्चामा आएका केप भर्डेका अनुभवी गोलरक्षक भोजिन्हा चिलीको प्रतिष्ठित क्लब कोलो–कोलोमा अनुबन्धित भएका छन्। क्लबले सामाजिक सञ्जालमार्फत उनको अनुबन्धनको औपचारिक घोषणा गरेको हो।
४० वर्षीय भोजिन्हाले विश्वकपमा स्पेन र साविक विजेता अर्जेन्टिनाविरुद्ध उत्कृष्ट बचाउ गर्दै विश्व फुटबलको ध्यान तानेका थिए। स्थानीय सञ्चारमाध्यमका अनुसार उनले कोलो–कोलोसँग १८ महिनाको सम्झौता गरेका छन्। आवश्यक स्वास्थ्य परीक्षणपछि उनलाई सान्टियागोस्थित क्लबको घरेलु मैदानमा सार्वजनिक गरिनेछ।
भोजिन्हाको वास्तविक नाम जोसिमार डियास हो। उनले केप भर्डेलाई पहिलोपटक विश्वकपको अन्तिम ३२ टोलीसम्म पुर्याउन महत्त्वपूर्ण भूमिका खेलेका थिए। प्रतियोगितापछि उनको लोकप्रियता पनि उल्लेखनीय रूपमा बढेको छ। विश्वकपअघि करिब ५० हजार रहेका उनका सामाजिक सञ्जाल अनुयायी अहिले झण्डै २ करोड ९० लाख पुगेका छन्। उनी विश्वकपको उत्कृष्ट टोलीमा समेत परेका थिए।
