काठमाडौं । सत्तारूढ दलहरूले उपसभामुख इन्दिरा रानामगरविरुद्ध महाभियोगको तयारी गरेका छन् । कांग्रेसका एक सांसदका अनुसार सत्तारूढ दलहरूले आजैको संसद् बैठकमा उपसभामुख रानाविरुद्ध महाभियोग प्रस्ताव दर्ताको तयारी गरिरहेका छन् ।
यसअघि सोमबार साँझ बालुवाटारमा बसेको सत्तारूढ गठबन्धनसम्बद्ध दलहरूको बैठकमा प्रधानमन्त्री केपी शर्मा ओलीले उपसभामुख रानाविरुद्ध महाभियोग लगाउने प्रस्ताव गरेका थिए ।
त्यसमा दलहरूले लगाउन सकिने प्रतिक्रिया दिएको बैठकमा सहभागी एक नेताले बताएका थिए । यसपछि तयारी गरिएको हो ।
उपसभामुख इन्दिराले आफ्नो पदीय मर्यादा बिर्सेर अमेरिकी दूतावासलाई लेखेको एउटा पत्र सार्वजनिक भएको थियो । उक्त पत्रमा आफूसहित पाँचजनालाई भिसाको अन्तर्वार्ताका लागि समय उपलब्ध गराउन आग्रह गरेकी थिइन् ।
