काठमाडौं । फिल्म ‘माग्ने राजा’ ले आफ्नो आधिकारिक फस्टलुक पोस्टर सार्वजनिक गर्दै प्रदर्शन मिति घोषणा गरेको छ। शुक्रबार काठमाडौंको प्रज्ञा प्रतिष्ठान डबलीमा आयोजित कार्यक्रममा कलाकारहरू वर्षा सिवाकोटी, विल्सन विक्रम राई, र केदारप्रसाद घिमिरे (माग्ने बुढा) को उपस्थिति थियो।
कार्यक्रममा ‘माग्ने राजा’को भेषमा देखिएका केदार घिमिरेले दर्शकलाई फिल्मको मूडमा डुबाएका थिए। पहेँलो थिममा आधारित पोशाक र पोस्टरले फिल्मको हास्य–व्यङ्ग्य शैली झल्काएको थियो।
गरिब व्यक्तिको धनी बन्ने सपना र त्यसमा आउने उतारचढावलाई प्रस्तुत गर्ने फिल्मको निर्देशन ऋषि लामिछानेले गरेका हुन्। पटकथा सामीप्य तिमल्सिनाको हो भने निर्माण मुनाल घिमिरेले गरेका छन्।
