बुटवल : राष्ट्रिय स्वतन्त्र पार्टी (रास्वपा) का अध्यक्ष रवि लामिछानेलाई थुनामै राख्ने आदेश जिल्ला अदालत रुपन्देहीले जारी गरेको छ। न्यायाधीश नारायणप्रसाद सापकोटाको इजलासबाट आएको आदेशअनुसार, सुप्रिम सहकारी ठगी प्रकरण मा लामिछाने हाल पनि कारागारमै रहनुपर्ने भएको हो।
गत चैत २५ देखि रुपन्देही कारागारमा रहेका लामिछानेले आफू सहकारी ठगीमा संलग्न नभएको दाबी गर्दै, बचतकर्ताको रकम फिर्ता गर्न इच्छुक भएको तर्क प्रस्तुत गरेका थिए। यसै क्रममा उनले आफ्नो भनिएको भागको ठगी रकम २ करोड ७४ लाख ८४ हजार रुपैयाँ बैंक जमानतका रूपमा बुझाएर रिहा गर्न माग गरेका थिए।
तर अदालतले सो निवेदन खारेज गर्दै, उच्च अदालत तुलसीपुर र सर्वोच्च अदालतले पहिले नै गरेको थुनामा राख्ने आदेशलाई यथावत राख्ने निर्णय गरेको हो।
