काठमाडौं । चलचित्र ‘अभिमन्यु : च्याप्टर १’को ट्रेलर सार्वजनिक भएको छ । राजधानीमा एक कार्यक्रमको आयोजना गरि चलचित्रको ट्रेलर सार्वजनिक गरिएको हो । ३ मिनेट ११ सेकेन्डको ट्रेलरले कथावस्तु, चरित्र चित्रण र द्वन्द्वबारे प्रकाश पार्छ । क्राइम–थ्रीलर जनरामा बनेको फिल्मको ट्रेलर मुख्य कलाकार कामेश्वरको पात्र वरीपरी घुमेको छ।
मुख्य पात्रले परिवारको खुसीको लागि आत्मसात गर्नुपर्ने बाटो र संघर्षको कथा पेश गरेको छ । ट्रेलरमा फिल्मका प्रमुख कलाकार कामेश्वर चौरासिया, लक्ष्मी बर्देवा, गौमाया गुरुङ, सरिता गिरी, प्रकाश दाहालको अभिनय छ । समग्रमा हेर्दा ‘अभिमन्यु : च्याप्टर १’कोको ट्रेलर उत्कृष्ट बनेको छ । जसले फिल्मको हाईप समेत बढाएको छ ।
सुशान्त गौतम निर्देशित फिल्मको पटकथा मुकेश खनालले लेखेका हुन् । सेभेन सिज सिनेमाजको ब्यानरमा निर्माण भएको फिल्मलाई विनोद पौडेल र गुञ्जन गिरीले निर्माण गरेका हुन् । ‘अभिमन्यु’ नेपाली संस्करण भदौ २७ र हिन्दी संस्करण असोज ६ गतेदेखि प्रदर्शन तयारीमा छन् ।
