काठमाडौं । नेपाल आइडलका टप १० भित्र स्थान बनाउन सफल भएका बहुप्रतिभाशाली गायक रवि शर्मा ले आफ्नो नयाँ गीत ‘पागल दुनिया’ सार्वजनिक गरेका छन्। उत्कृष्ट स्वर तथा प्रस्तुतीका कारण चिनिएका शर्मा बहुमुखी प्रतिभाका धनी गायकका रूपमा स्थापित हुँदैछन्।
यस गीतमा पुष्कर खत्री को आकर्षक संगीत संयोजन, दोसताज को हृदयस्पर्शी शब्द, र विकास परसाई को सशक्त निर्देशनमा तयार भएको भिडियो समावेश गरिएको छ। भिडियोको सम्पादन स्वयं विकास परसाई ले गरेका छन् भने कलरिस्टको रूपमा कल्पेश बिश्वकर्मा ले योगदान दिएका छन्। गीतमा प्रस्तुत गरिएको कथा, संगीत र दृश्यले दर्शक–श्रोताको मन छुने अपेक्षा गरिएको छ।
रवि शर्माले यसअघि पनि आफ्नो गायनमार्फत धेरैको मन जितिसकेका छन् र नयाँ गीत ‘पागल दुनिया’ ले उनको बहुआयामिक प्रतिभालाई अझ प्रस्टसँग उजागर गरेको छ।
