काठमाडौं । अर्थमन्त्री डा. स्वर्णिम वाग्लेले आर्थिक वर्ष २०८३/८४ को बजेट प्रभावकारी रूपमा कार्यान्वयन गर्न सम्बन्धित मन्त्रालयका सचिव तथा पदाधिकारीलाई समयबद्ध रूपमा काम गर्न निर्देशन दिएका छन्।
अर्थ मन्त्रालयमा सोमबार आयोजित बैठकमा उनले बजेटमा समेटिएका कार्यक्रम र योजनालाई निर्धारित समयमै कार्यान्वयन गर्दै अपेक्षित नतिजा हासिल गर्न जोड दिएका हुन्। अर्थ मन्त्रालयका अनुसार नयाँ आर्थिक वर्ष सुरु भएसँगै बजेट कार्यान्वयनलाई तीव्रता दिन आवश्यक समन्वय र अनुगमनलाई प्राथमिकता दिइएको छ।
बैठकमा राष्ट्रिय योजना आयोगका उपाध्यक्ष डा. गुणाकर भट्ट, अर्थ सचिव घनश्याम उपाध्याय तथा पूर्वाधार विकास, उद्योग, वाणिज्य, कृषि, स्वास्थ्य, शिक्षा, परराष्ट्र, संस्कृति, पर्यटन तथा नागरिक उड्डयन, श्रम, महिला, बालबालिका, गृह र रक्षा मन्त्रालयका सचिवहरूको सहभागिता रहेको थियो।
साउन १ गतेदेखि नयाँ आर्थिक वर्ष सुरु भएसँगै बजेटको प्रभावकारी कार्यान्वयन सुनिश्चित गर्न अर्थ मन्त्रालयले सक्रिय रूपमा आवश्यक तयारी र समन्वय अघि बढाएको जनाएको छ।
