काठमाडौं । आईसीसी क्रिकेट विश्वकप लिग–२ अन्तर्गतको सिरिजमा नेपालले हारबाट अभियान सुरु गरेको छ। मंगलबार भएको खेलमा नामिबियाले नेपाललाई ८ विकेटले सहज रूपमा पराजित गरेको हो।
टस हारेर पहिले ब्याटिङ गरेको नेपाल ४६.५ ओभरमा १५७ रनमै अलआउट भयो। कप्तान रोहित पौडेलले सर्वाधिक ३१ रन बनाए भने दीपेन्द्र सिंह ऐरीले ३०, गुलशन झाले २०, करण केसीले १८ र आसिफ शेखले १६ रनको योगदान दिए। नामिबियाका जेजे स्मितले उत्कृष्ट बलिङ गर्दै ६ विकेट लिए भने ज्याक ब्रासेल र बेर्नार्ड स्कोल्जले समान २–२ विकेट लिए।
१५८ रनको सामान्य लक्ष्य पछ्याएको नामिबियाले ३७.४ ओभरमा मात्र २ विकेट गुमाएर लक्ष्य पूरा गर्यो।
यस जितसँगै नामिबियाले २९ खेलबाट २४ अंक बनाएको छ। नेपालको पनि २९ खेलबाट २४ अंक नै रहेको छ। अब नेपालले सिरिजअन्तर्गत आफ्नो दोस्रो खेल बिहीबार नेदरल्यान्ड्ससँग खेल्नेछ।
