बाहिरियो ‘कृ’ मा अनमोल केशी र अदितीको रोमान्स (फोटो फिचर)


Featured, मनोरन्जन

काठमाण्डौँ । अनमोलको केसीको आगामी चलचित्र ‘कृ’ को यतिबेला सुटिङको कामहरु भईरहेको छ । निर्माण घोषणाको चरणदेखी नै चर्चामा रहेको चलचित्र ‘कृ’ को फस्ट लुक सार्वजनिक भईसकेपछि झन् बढि चर्चा भएको छ । फस्ट लुकमा अनमोललाई पहिलाको जस्तो चकलेटी रुपमा नदेखाएर एक्सन अवतारमा देखाईएको छ ।

चलचित्रको फस्ट लुकपछि पनि उनको चलचित्रप्रति दर्शकहरुको चासो एकदमै बढेको पाईएको छ । चलचित्रको लागि भनेर नै अनमोललाई चलचित्र घोषणा भएदेखी आजसम्म पनि मिडियामा देखिएका छैनन् । उनको एक फोटोसम्म पनि सार्वजनिक भएको छैन । तर उनलाई चलचित्रमा देखाईएको केहि अवतारहरु भने अनमोल आफैँले सार्वजनिक गरिरहेका छन् । उनको केहि साता अघिसम्मका इंस्टाग्राम पोस्ट हेर्ने हो भने उनको ‘कृ’ अवतार मज्जाले देखिन सकिन्छ ।

सुवास इन्टरटेन्मेन्टको निर्माणमा द सुपर काजोल फिल्मस्को प्रस्तुतीमा यो चलचित्र तयार भएको हो । चलचित्रमा अनमोल केसी, अदिती वुढाथोकी, अनुपविक्रम शाही, कामेश्वर चौरासिया, सरोज खनाल, रुपा राना, लक्ष्मी गिरी, अमित गिरी, सुदाम लगायतका कलाकारको मुख्य भूमिका छ ।

चलचित्रमा कथा, सम्पादन र निर्देशन सुरेन्द्र पौडेलको छ । चलचित्रमा चन्द्र पन्तको एक्सन, अल्मोडा राना उप्रेती र विशेष श्रेष्ठको संगीत, पुरुषोत्तम प्रधानको छायांकन, प्रदिप भारद्धाज र आशिष रेग्मीको पटकथा तथा संवाद, रेनशा वान्तवा राइको कोरियोग्राफी छ । चलचित्रका प्रोडक्शन डिजाइनर शंकर पाण्डे हुन् ।