काठमाडौं । राष्ट्रिय स्वतन्त्र पार्टीकी सांसद डा. तोसिमा कार्कीले निर्वाचन आयोगविरुद्ध दायर गरेको रिटमा सर्वोच्च अदालतले उनको पक्षमा फैसला सुनाएको छ। न्यायाधीश डा. मनोजकुमार शर्मा र महेश शर्मा पौडेलको इजलासले कार्कीको रिट जारी हुने निर्णय गरेको हो।
२०७९ सालको प्रतिनिधिसभा चुनावमा उम्मेदवारी दिएको भन्दै निर्वाचन आयोगले कार्कीको उम्मेदवारी खारेज गरेको थियो। आयोगको निर्णयविरुद्ध उनले सर्वोच्च अदालतमा रिट दायर गरेकी थिइन्। अदालतले अन्तरिम आदेश जारी गरेपछि उनी चुनाव लड्न सफल भएकी थिइन्।
अब सर्वोच्चको अन्तिम फैसलाले उनको उम्मेदवारी खारेज गर्ने निर्वाचन आयोगको निर्णय गलत भएको प्रमाणित गरेको छ। यसअघि नै कार्कीले नेपाल मेडिकल काउन्सिलको सदस्य पदबाट राजीनामा दिइसकेकी छन्।
